Da'iriler chaqiliq nahiyesini bikar qilip uning ornigha kiroren shehirini berpa qilish qurulushini bashlighan

Muxbirimiz qutlan
2015.06.22


Junggo Uyghurche radiyo torining xewirige qarighanda, chaqiliq nahiyelik da'iriler eslidiki chaqiliq nahiyesini bikar qilip, uning ornigha kiroren shehirini qurush ishini resmiy bashlighan.

Chaqiliq nahiyelik partkomning alaqidar mes'uli yéqinda munularni ilgiri sürgen: “Biz nahiyeni bikar qilip, sheher qurush xizmitini bashliduq, eng qisqa waqit ichide kiroren shehirini qurushqa tirishimiz. Kelgüside, chaqiliq nahiyesi kirorandin ibaret bu isimdin paydilinip, bir alahide belbagh, yeni yipek yolidiki sayahet medeniyet kespini berpa qilidu.”

Melum bolushiche, yéqinqi yillardin buyan xitay merkiziy hökümiti Uyghur aptonom rayonidiki memuriy rayonlarni qayta özgertish shundaqla wilayetlerni bikar qilip, sheher berpa qilish istratégiyesini yolgha qoyghan.

Buning netijiside Uyghur aptonom rayonidiki qedimiy tarixqa we milliy puraqqa ige Uyghurche yer - jay namliri, bolupmu bir qisim sheher - bazarlarning Uyghurche namliri omumyüzlük emeldin qaldurulup xitayche namlarning qoyuluwatqanliqi ilgiri sürülmekte.

Közetküchiler, chaqiliq qatarliq teklimakanning sherqiy burjikidiki nopus shalang bolghan bir qisim nahiyelerning sheher qilip qurulushi hemde namining özgertilishi, bu jayda yéqin kelgüside zor türkümdiki xitay köchmenlirining yerleshtürülüshidin dérek béridu, dep qarimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.