Sekkiz yashliq Uyghur qiz xelq'araliq sen'et körikide chémpiyon boldi

Muxbirimiz eziz
2018-06-26
Share

7-Nöwetlik xelq'ara balilar sen'et musabiqisi 18-iyun küni latwiyening yurmala shehiride axirlashti. Bu qétimqi musabiqide qazaqistandin kelgen sekkiz yashliq Uyghur qizi ramile jamalidinowa "Ammibab naxshilar" türi boyiche chémpiyonluqni élip, mexsus diplom bilen teqdirlen'gen.

Almuta shehiride chiqidighan "Uyghur awazi" gézitining 21-iyundiki xewiride éytilishiche, ramile bu qétimqi musabiqining yette yashtin toqquz yashqiche bolghan ösmürler guruppisida maharet körsetken. U orunlighan in'glizche we qazaqche naxshilar bu qétimqi musabiqige qatnashqan 150 ösmürning körsetken nomurliri ichidin tallinip mukapatqa érishken.

Melum bolushiche, ramile bu qétimqi musabiqige qazaqistandin tallan'ghan birdin-bir mahir iken. Bu qétimqi musabiqige qatnashqan bashqa ösmürler gérmaniye, bélarusiye, litwa, éstoniye qatarliq döletlerdin kelgenler iken.

Ramilening apisi rahile xanimning bildürüshiche, ramile kichik waqitliridin bashlapla naxsha-muzika boyiche mexsus terbiye alghan. U hazir kelgüside bir dangliq sen'etkar bolush üchün tirishmaqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet