Chén chüen'goning ziyaliylar yighini échishi diqqet qozghidi

Muxbirimiz eziz
2020.01.21

“Xitay kompartiyesi xewer tori” ning 21-yanwardiki xewiride éytilishiche, Uyghur aptonom rayonluq partkomning sékrétari chén chüen'go 20-yanwar küni ürümchide échilghan “Aptonom rayonluq ziyaliylar söhbet yighini” gha qatnashqan hemde uzun söz qilghan.

Xewerde éytilishiche, chén chüen'go ziyaliylarni “Shinjangning muqimliqini we uzaq mezgillik eminlikini algha sürüshke türtke bolush” qa chaqirghan. Shuningdek ziyaliylarni buningdin kéyinki “Döletni yüksek orun'gha qoyush, xitayche alahidilikke ige sotsiyalizm qurushtek bir qatar ulughwar ishlarda bashlamchi bolush” kéreklikini tekitligen.

Halbuki, ötken ikki yilning ichidila Uyghurning eng munewwer ziyaliyliridin nechche yüz kishi tutqun qilinip lagérlargha we türmilerge qamalghanidi. Emdilikte chén chu'en'goning az sandiki Uyghur we bashqa millet ziyaliylirini topliwélip bu xildiki yighinlarni échishini muhajirettiki Uyghur ziyaliyliri “Aldamchiliqtin bashqa nerse emes” dédi. Amérikadiki Uyghur ziyaliyliridin élshat hesen “Bu mahiyette xitayning öz yéghida öz göshini qorush hélisini qaytidin bazargha sélishidur. Ular hazirche lagérgha ewetilmigen hemde lagérlarda terbiyelinip chiqqan mushu azghine ziyaliylar arqiliq özlirining siyasiy qara niyitige yetmekchi” dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.