Чен чүәнго чәтәлләрдики «бөлгүнчиләр» гә зәрбә беридиғанлиқини билдүргән

Мухбиримиз ирадә
2018-02-12
Елхәт
Пикир
Share
Принт

Уйғур аптоном райониниң партком секретари чен чүәнго чәтәлләрдики бөлгүнчиләргиму зәрбә беридиғанлиқини билдүргән.

Хитайниң хәлқ гезити тарқатқан хәвәргә қариғанда, чен чүәнго хәлқ гезитигә қилған сөзидә, өзиниң «бөлгүнчилик вә террорлуққа қарши» күрәшни қәтий давамлаштуридиғанлиқини вә буниң үчүн чеграниң ичи-сиртидики, «шинҗаңниң ичи вә сиртидики шундақла интернет торидики барлиқ бөлгүнчилик һәрикәтлиригә қаттиқ зәрбә беридиғанлиқи» ни әскәрткән.

Уйғур район даирилири 11-феврал дүшәнбә күни йәнә мәхсус «чәтәлләрдә оқуватқан оқуғучилар хизмити» йиғинини чақирған болуп, йиғинда чәтәлләрдә оқуватқан оқуғучиларға қаритилған башқуруш вә идийәви тәрбийә хизмитини күчәйтиш мәсилиси алаһидә музакирә қилинған.

Чәтәлләрдики уйғур паалийәтчиләрниң әскәртишичә, хитай һөкүмити уйғур елини қаттиқ қамал астиға алған билән тәң әмдики нишанини чәтәлләрдики уйғур җамаитигә вә уларниң түрлүк миллий вә сиясий паалийәтлиригә зәрбә беришни күчәйтишкиму қаратмақтикән.

Хитай даирилири откән йили мисир даирилири билән бирлишип, мисирда оқуватқан уйғур оқуғучиларни еғир тәқиб вә тутқунға учратқан иди.

Пикирләр (0)
Share
Толуқ бәт