Chén chüen'go yuqumning aldini élish xizmetliri yighinida muqimliqni tekitligen
2020.02.13
Uyghur rayonining partkomning sékrétari chén chüen'go yuqumning aldini élish xizmetliri yighinida yene muqimliqni tekitligen.
“Tengritagh tori” tarqatqan xewerdin melum bolushiche, chén chüen'go 13-féwral küni xitay dölet re'isi shi jinpingning yuqumni tizginlesh xizmiti yighinida qilghan yolyoruqlirini öginish téléwiziye yighini chaqirghan bolup, u rayonda tajsiman öpke yallughi wirusini tézginleshte ishlinishke tégishlik xizmetler heqqide toxtilip, rayonning omumiy weziyiti we muqimliqigha kapaletlik qilishni alahide tekitligen.
U mundaq dégen: “Bir qolda yuqumni tizginleshni, yene bir qolda muqimliqni qoghdashni tutushimiz kérek. Bash nishan'gha merkezliship, birikme mushtni yaxshi étip. . . Omumiy weziyetning muqimliqigha qet'iy kapaletlik qilip, yuqumni tizginlesh üchün yaxshi shara'it yaritishimiz kérek.”
Aldinqi küni xitay dölet re'isi shi jinpingmu yolyoruqida késellikni tizginlesh bilen birge dölet muqimliqigha kapaletlik qilishni alahide tekitligen idi.
Bu qétim “Wuxen wirusi” xitaydiki tor betlerde xitay kompartiyesige qarshi awazlarning zoriyishigha seweb bolghan bolup, buning xitay hökümet emeldarlirini jiddiy endishige séliwatqanliqi melum.
Uyghur élidiki hökümet tor betliridimu partiye merkiziy komitétining türlük tedbir-orunlashturmilirini qet'iy izchillashturush, kompartiyege bolghan ishenchni chingitish, uningdin qet'iy tewrenmeslik toxtimay tekitlenmekte.