Chén chüen'goning "Qoshmaq tughqan bolush" siyasiti közetküchilerning diqqitini qozghimaqta

Muxbirimiz qutlan
2016-11-21
Share

Chén chüen'go Uyghur aptonom rayonigha partkom sékrétari bolup teyinlen'gendin kéyin "5-Iyul weqesi" din buyan rayondiki künséri jiddiyliship bériwatqan milletler munasiwitini yaxshilash üchün "Qoshmaq tughqan bolush" siyasitini yolgha qoyghan.

Xitay hökümet taratqulirining bildürüshiche, yéqindin buyan Uyghur aptonom rayonining jay-jaylirida xitaylar bilen Uyghurlarning "Bir a'ile kishiliridek bolushi" yaki "Qoshmaq tughqan bolushi" keng kölemde teshwiq qilinmaqtiken.

Tengritagh torining bu heqtiki xewirige qarighanda, 11-ayning 20-küni Uyghur aptonom rayonluq partkom teshwiqat bölümining mu'awin bashliqi jang ké 29 neper xitay kadirni bashlap, xotenning guma nahiyisige yétip barghan. Ular guma nahiyisining choda yézisigha qarashliq herqaysi kentlerge bérip, u yerdiki yerlik Uyghur a'ililiri bilen "Qoshmaq tughqan" bolushqanliqi melum.

Xewerde déyilishiche, bu Uyghur aptonom rayonluq partkom teshwiqat bölümi chén chüen'go 1-qol sékrétar bolup teyinlen'gendin buyan yerlik Uyghurlar bilen "Qoshmaq tughqan" bolush üchün asasiy qatlamgha ewetilgen 5-türkümdiki xitay kadirliri iken.

Közetküchiler, Uyghur élide milletler ittipaqliqining aldinqi sherti milletlerning hoquqta teng-barawer bolushidur. Barawerlik bolmighan, milletler ara qarmu-qarshiliqlar yamrighan bir jem'iyette sün'iy yosundiki 'qoshmaq tughqan' chiliq teshwiqatliri héchqanche ünüm yaritalmaydu, dégenlerni tekitlimekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.