Chén chu'en'go bu yilliq siyasiy kontrolluqning téximu küchiyidighanliqini bildürdi

Muxbirimiz eziz
2021.05.24

Uyghur aptonom rayonluq partkomning sékrétari chén chu'en'gu 23-may küni “Shinjangni qanun boyiche idare qilish komitéti” ning yighinida alahide söz qilip, 2021-yilliq xizmet orunlashturushi heqqide chüshenche bergen.

“Tengritagh” torining bu heqtiki xewiride éytilishiche, Uyghur aptonom rayonluq hökümetning hemme kattibashliri qatnashqan bu yighinda chén chu'en'go 3-nöwetlik “Shinjang xizmiti yighini” ning rohini éghishmastin qet'i ijra qilish, shuningdek xitay kompartiyesi merkiziy komitétining “Shinjangni qanun boyiche idare qilish yolyoruqi” ni qibliname qilish, ijtima'iy muqimliq we eminlik yaritishta ching turush, “Qanun boyyche idare qilish” ni barche xizmetlerde emiliyleshtürüsh dégenlerni alahide tekitligen. Shuning bilen birge “Térorluqning aldini élish we muqimliqni saqlash”, puqralargha qolayliq we xatirjemlik yaritish, puqralarning menpe'etini qoghdash üchün “Qanun boyiche idare qilish” ni toluq emelge ashurush lazimliqi heqqidimu söz qilghan.

Analizchilar chén chu'en'goning “Qanun boyiche idar qilish” dégen sözining emeliyette Uyghurlargha qaritilghanliqini, “Puqralar” dégende xitay köchmenliri nezerde tutulidighanliqini eskertip: “Bu emeliyette Uyghurlarni basturushning bu yil téximu yuquri pellige chiqidighanliqidin bérilgen bisharet. Chünki Uyghur kadirlarni basturush herqachan ‛qanun boyiche idare qilish‚ dégen namda ijra bolidu,” déyishmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.