Chén chüen'go qatarliqlarni jazalash heqqide amérika dölet mejlisining ezaliri amérika hökümitige teklip sundi

Muxbirimiz shöhret hoshur
2018-08-29
Élxet
Pikir
Share
Print

Amérika kéngesh palatasi ezasi marko rubiyo we awam palatasi ezasi kris smit qatarliq bir türküm amérika dölet mejlisining ezaliri 29-awghust küni amérika tashqi ishlar ministiri mayk pompéyo bilen maliye ministiri stéwin munichin'gha mektup yollap, Uyghur rayonidiki lagérlar mesiliside mes'uliyiti bar dep qaralghan xitay emeldarlirini "Yer shari magnétskiy qanuni" boyiche jazalashni telep qildi.

Telepnamide Uyghur rayonida bir milyondin artuq Uyghur we bashqa musulman xelqler soliwélin'ghan lagérlarning choqum qattiq we nishanliq tekshürülüshi shundaqla xelq'araliq inkasqa érishishi kérekliki bayan qilin'ghan. Uningda yene mezkur lagérlargha alaqidar emeldarlar we tijariy qurulushlarning amérikigha kirishi yaki amérikining iqtisadiy qurulushliridin paydilinish hoquqining bolmasliqi shundaqla chén chu'en'go qatarliq emeldarlarning amérikining "Yer shari magnétskiy qanuni" boyiche jazalinishi lazimliqi telep qilin'ghan. 

Melum bolushiche, telepnamige imza qoyghanlar arisida dölet mejlisidiki her ikki partiyige mensup ezalar bar bolup, mektupta yene xitayning Uyghur rayonidiki bixeterlik eslihe qurulushlirini hödde élip zor menpe'et qaziniwatqan bir qisim xitay téxnologiye shirketliriningmu jazalinishi telep qilin'ghan.

Mektupta yene Uyghur rayonidiki lagérlarda ölüm hadisiliri we özini öltürüwélish weqeliri yüz bériwatqanliqi, lagérda solinip yatqanlar arisida dunya Uyghur qurultiyining aliy rehbiri rabiye qadir xanim we erkin asiya radiyosi muxbirlirining a'ile-tawabi'atliriningmu barliqi eskertilgen. 
Magnétskiy qanuni amérikida 2012 ‏-yili maqullan'ghan. Bu qanun boyiche jazalan'ghanlarning amérikigha kirishi cheklinidu we amérika bankiliridiki mal dunyasi tonglitilidu.

Toluq bet