Chén chüen'go Uyghur élide siyasiy bixeterlik mesilisini qattiq tekitlimekte

Muxbirimiz irade
2020-03-26
Élxet
Pikir
Share
Print

Uyghur aptonom rayonluq partkomning sékrétari chén chüen'go Uyghur élide siyasiy bixeterlikke kapaletlik qilishni telep qilghan.

Shinxu'a agéntliqining bu heqtiki xewiridin qarighanda, u 25-mart küni ötküzülgen aptonom rayonluq partiye komitétining siyasiy qanun xizmet yighinida söz qilip, xitay dölet re'isi shi jinpingning körsetmisidin qet'iy tewrenmeslikni eskertken.

U yighinda qilghan sözide, siyasiy bixeterlikni qoghdash mesilisini birinchi orun'gha qoyghan we "Biz qet'iy tewrenmey siyasiy bixeterlikni qoghdishimiz kérek. Omumiy dölet bixeterlik uqumida ching turup, siyasiy bixeterlikni qoghdashni eng muhim siyasiy wezipe qilip, her xil siyasiy bixeterlik xewpini qet'iy tügitishimiz kérek" dégen.

Xitayning wuxen shehiridin yamrighan tajsiman wirusning dunyawi zor balayi'apetke aylinishigha xitay hökümitining uchurni qamal qilip, emeliyetni yoshurushi seweb bolghanliqi küchlük eyibleshke uchrighan. Buning xitay hakimiyet qatlimi ichidimu shi jinpingge bolghan naraziliqni kücheytkenliki heqqide bir qisim uchurlar ashkarilan'ghan. Shunga chén chüen'goning siyasiy bixeterlikni tekitlishi diqqet qozghaydiken.

Chén chüen'go shu kündiki sözide yene, rayonda ijtima'iy muqimliqni saqlashni, milletler ittipaqliqini ilgiri sürüp, milletlerning arilishishi we birlishishini ilgiri sürüp, jungxu'a milliti berpa qilish, dinni bashqurushni kücheytip, dinni sotsiyalistik jem'iyetke maslashturush dégenlerni tekitligen.

Toluq bet