Чен миңгониң "қош мәнсәп" кә тәйинлиниши диққәт қозғиди

Мухбиримиз әзиз
2021-01-20
Share

Уйғур дияридики сиясий бастурушни америка һөкүмити "ирқий қирғинчилиқ" дәп елан қилған вақитта уйғур дияридики йеңидин әмәлдар алмаштуруш һадисиси зор диққәт қозғиди.

Хитай һөкүмити башқурушидики шинхуа агентлиқиниң 20-январдики хәвиридә ейтилишичә, чиңхәй өлкилик юқири сот мәһкимисиниң башлиқи чин миңго уйғур аптоном районлуқ җамаәт хәвпсизлики (җ х) назаритиниң назири һәмдә уйғур аптоном райониниң муавин рәиси болуп тәйинләнгән. Хәвәрдә ейтилишичә, буниңдин илгири уйғур аптоном районлуқ сиясий-қанун комитетиниң секретари, уйғур аптоном районлуқ һөкүмәтниң муавин рәиси, уйғур аптоном районлуқ җ х назаритиниң партком секретари вә назири қатарлиқ һоқуқларни тәңла тутуп кәлгән ваң миңшәнниң "уйғур аптоном райониниң муавин рәисликидин истепа бериш" һәққидики илтимаси "тәстиқланған". Буниң билән чен миңго һәм муавин рәис һәм җ х назири болуп тәйинләнгән.

Анализчиларниң көрситишичә, һазирға қәдәр уйғур аптоном райониниң муавин рәиси болуп тәйинләнгән һечқандақ уйғур җ х назаритиниң назирлиқини қошумчә үстигә елип бақмиғаникән. Улар мушу әһвалға асасән "бу ваң миңшәнниң қолиға мәркәзлишип қалған чоң һоқуқларни парчилаш, шу арқилиқ чен чуәнгониң техиму зор ишәнч билән һазирқи сиясий бастурушни давам қилишини капаләткә игә қилиш урунуши болуши мумкин" дәп көрсәтти.

Мәлум болушичә, 1966-йили туғулған чен миңго изчил сичүән өлкисиниң сот системисида ишлигән болуп, униң нөвәттики сиясий бастурушни техиму юқири пәллигә чиқиришқа күч чиқириши тәхмин қилинмақтикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт