Уйғур районида "дөләт пули билән чәтәлгә оқушқа чиқиш 2021-йиллиқ түри" гә илтимас сунуш башланған

Мухбиримиз җәвлан
2021-02-02
Share

Хитай таратқулириниң 2-феврал бәргән хәвиридин мәлум болушичә, уйғур районида маарип системисида болмиғанларниң "дөләт пули билән чәт әлгә оқушқа чиқиш 2021-йиллиқ түри" гә илтимас сунуш башланған болуп, кәлгүси икки ай ичидә илтимас йоллап болуш тәләп қилинған. Ғәрбий райондин оқушқа чиқидиған вә зиярәтчи тәтқиқатчи болуп баридиғанлар үчүн 1770 сан берилгән, буниң ичидә уйғур районидин 20 адәм таллап оқушқа әвәтилидикән.

Анализчиларниң қаришичә, уйғур районидин пәқәт 20 адәмниң чәт әлгә оқушқа әвәтилишини көп нуқтидин тәһлил қилишқа болидикән. Хитай һөкүмити уйғурларниң алим, докторлириниң һәммисини дегүдәк түрмә яки лагерларға солап болған болуп, әгәр бу 20 адәмниң ичидә уйғурларму бар дейилсә, хитай һөкүмити чәт әлгә чиққан яки чәт әлдә туғқанлири болған уйғурларни түрмә-лагерларға солаватқан, уйғур районидики уйғурлар билән чәт әлдики уйғурларниң алақисини үзүвәткән әһвалда, уларни чәт әлгә оқушқа чиқармақчи болуши көз боямчилиқ һәм тәшвиқаттин башқа нәрсә әмәс икән. Хитай һөкүмити бу 20 адәмни мәйли уйғур, мәйли хитай болсун, чәт әлгә чиқирип, өзлири үчүн образ вәкили һәм тәшвиқат васитиси қилишиму мумкин икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт