Uyghur rayonida "Dölet puli bilen chet'elge oqushqa chiqish 2021-yilliq türi" ge iltimas sunush bashlan'ghan

Muxbirimiz jewlan
2021-02-02
Share

Xitay taratqulirining 2-féwral bergen xewiridin melum bolushiche, Uyghur rayonida ma'arip sistémisida bolmighanlarning "Dölet puli bilen chet elge oqushqa chiqish 2021-yilliq türi" ge iltimas sunush bashlan'ghan bolup, kelgüsi ikki ay ichide iltimas yollap bolush telep qilin'ghan. Gherbiy rayondin oqushqa chiqidighan we ziyaretchi tetqiqatchi bolup baridighanlar üchün 1770 san bérilgen, buning ichide Uyghur rayonidin 20 adem tallap oqushqa ewetilidiken.

Analizchilarning qarishiche, Uyghur rayonidin peqet 20 ademning chet elge oqushqa ewetilishini köp nuqtidin tehlil qilishqa bolidiken. Xitay hökümiti Uyghurlarning alim, doktorlirining hemmisini dégüdek türme yaki lagérlargha solap bolghan bolup, eger bu 20 ademning ichide Uyghurlarmu bar déyilse, xitay hökümiti chet elge chiqqan yaki chet elde tughqanliri bolghan Uyghurlarni türme-lagérlargha solawatqan, Uyghur rayonidiki Uyghurlar bilen chet eldiki Uyghurlarning alaqisini üzüwetken ehwalda, ularni chet elge oqushqa chiqarmaqchi bolushi köz boyamchiliq hem teshwiqattin bashqa nerse emes iken. Xitay hökümiti bu 20 ademni meyli Uyghur, meyli xitay bolsun, chet elge chiqirip, özliri üchün obraz wekili hem teshwiqat wasitisi qilishimu mumkin iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet