Chinggizxanning resimige buzghunchiliq qilghan bir xitay qamaq jazasigha höküm qilindi

Muxbirimiz erkin
2017-12-15
Share

Mongghul tarixidiki ataqliq shexs chinggizxanning resimige haqaret qilghan bir xitay puqrasi ichki mongghuldiki bir sot mehkimisi teripidin bir yilliq qamaq jazasigha höküm qilin'ghan.

Firansiye agéntliqining xewer qilishiche, sot mehkimisining xitay puqrasini "Milliy öchmenlikke qutratquluq qilish" bilen eyiblep qamaq jazasigha höküm qilishi xitay ijtima'iy taratqulirida qattiq munazire qozghighan.

Lo famililik xitay puqrasi bu yil 5‏-ayda yingchüen shehirining bingxé yéngi rayonidiki medeniyet-sen'et meydanigha qurulghan mongghul chédirigha kirip, chédirdiki chinggizxanning resimini yerge tashlap dessigen we uninggha haqaret qilghan. Andin u bu körünüshni sin'gha élip torda tarqatqan.

Firansiye agéntliqining xewiride körsitishiche, ordus wilayitining éjinxoro xoshunluq sot mehkimisi lo famililik xitayni "Milliy öchmenlikke qutratquluq qilish", "Milliy kemsitish" we "Ammining héssiyatigha azar bérish" jinayiti bilen sotlap, 12‏-dékabir küni höküm élan qilghan.

Lo famililik xitayning herikiti chinggizxanni özining "Büyük ejdadi" dep qaraydighan mongghullarning naraziliqini qozghighan. Bezi mongghullar ordus wilayetlik j x idarisini erz qilip, bu sin körünüshini tarqatquchini jazalashni telep qilghan.

Xewerlerdin melum bolushiche, yerlik da'iriler bu sin körünüshini jem'iyetning ijtima'iy, siyasiy muqimliqigha intayin yaman tesir peyda qildi, dep qarighan. Lékin lo famililik xitayning "Qutratquluq" jinayitining aran bir yilliq qamaq jazasigha höküm qilinishi xitay ijtima'iy taratqulirida bezi xitaylarning tenqidige uchrighan. Firansiye agéntliqining xewiride qeyt qilinishiche, xitayning sina torida bir bahalighuchi qamaq jazasining bek éghir bolup ketkenlikini tenqidlep, "Xitayning qanuni ölchemlik emes, bek élastikliq," dep körsetken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet