Chingxeydiki tungganlar da'irilerning öy chéqish herikitige qarshiliq körsetken

Muxbirimiz jüme
2013-06-08
Élxet
Pikir
Share
Print

6 - Iyun, chingxeyning xwalong nahiyisidiki tungganlar da'irilerning öy chéqish herikitige topliship qarshiliq körsetken, hökümet mingidin artuq saqchi chiqirip, qarshiliq körsetküchilerni bésiqturmaqchi bolghan.

Kéyin, saqchilar qarshiliq körsetküchilerge hoshsizlanduridighan oq étip kishilerni tarqaqlashturghan, 15 adem qolgha élin'ghan.

Melum bolushiche, xwalong nahiyiside 700 etrapida tunggan musulman yashaydighan bir yéza bar bolup, yerlik hökümet yézidiki atalmish qanunsiz sélin'ghan lapas öylerni chéqish üchün6 - iyun mezkur yézigha öy chéqish etiri ewetken. Déhqanlar ulargha qattiq qarshiliq körsetken.

Halbuki, da'iriler köp sanda saqchi ewetip, yéza éghzini tosqan we qanunsiz sélin'ghanliqi ilgiri sürülgen öylerni mejburiy chéqiwetken.

Radi'omiz igilen melumatlargha qarighanda, jüme küni öyi chéqilip barar jayi yoq bolup qalghan bir nechche oqughuchi nahiyilik hökümet aldida namayish qilghan, emma ularmu tutup kétilgen.

Melum bolushiche, xwalong nahiyilik mehkime ötken yili mezkur yézidiki bir qisim öylerning qanunsiz sélin'ghanliqi, bularning chéqilishi lazimliqi toghrisida höküm chiqarghan iken.

Nöwette weqe bésiqturulghan bolsimu, yézidiki jiddiylik téxi peseymigen.

Xitay yer majirasi eng köp uchraydighan döletlerdin biri. Yerlik emeldarlar déhqanlarning yerlirini mejburi igiliwélip, öy - mülük shirketlirige yuqiri bahada satidighan ehwallar Uyghur élidimu nurghun qarshiliq we naraziliqlargha seweb bolghan idi.

Toluq bet