Chira nahiyisi bu yil ichide 60 ming emgek küchini sirtqa yötkep ishqa orunlashturidighanliqini bildürgen

Muxbirimiz qutlan
2017-05-29
Élxet
Pikir
Share
Print

Xitay hökümitining Uyghur élining jenubiy qismidiki yerlik Uyghur yashlirini "Éshincha emgek küchi" namida xitay ölkilirige yötkesh pilani yillardin buyan izchil dawam qilip kelmekte.

Bügün "Tengritagh tori" da "Chira nahiyesidiki 1000 neper Uyghur déhqan karxana xizmetchisige aylandi" serlewhilik xewer élan qilin'ghan.

Xewerde déyilishiche, chira nahiyesining herqaysi yéza-kentliridin talliwélin'ghan ming neper Uyghur yash déhqan "Shinjang kunpéng qurulush cheklik shirkiti"ge ishchiliqqa qobul qilin'ghan. Mezkur shirket yéngidin qobul qilin'ghan bu Uyghur yashlirini bir tutash yataqqa orunlashturidighanliqini we turmush buyumliri bilen teminleydighanliqini bildürgen.

Igilinishiche, chira nahiyisi xoten wilayiti boyiche "Éshincha emgek küchi" ni sirtqa yötkep ishqa orunlashturuwatqan eng aktip nahiyelerning biri iken.

Hazirghiche chira nahiyesidin xitay ölkilirige yötkep ishqa orunlashturulghanlar 20 mingdin, Uyghur aptonom rayoni tewesidiki bashqa wilayet we oblastlargha yötkep ishqa orunlashturulghanlar 18 mingdin ashidiken.

Chira nahiyisi bundin kéyin nahiye tewesidin téximu zor kölemdiki yashlarni sirtqa "Éksport" qilidighanliqini, bu yilning axirighiche sirtqa yötkep ishqa orunlashturidighan yashlarni 60 minggha yetküzüshni pilanlawatqanliqini ashkarilighan.

Toluq bet