Уйғур аптонум районида йәнә икки нәпәр юқири дәриҗилик әмәлдар җазаланди

Мухбиримиз меһрибан
2015-11-03
Елхәт
Пикир
Share
Принт


3 - Ноябир сәйшәнбә күни хитай мәркизи интизам тәкшүрүш идариси уқтуруш чиқирип, уйғур аптоном районлуқ җамаәт хәвпсизлик назарити чегра мудапиә әтритиниң башлиқи җаң мйәнхең, ички моңғул җамаәт хәвәпсизлик назарити ишхана мудири ли венли қатарлиқ 22 нәпәр юқири дәриҗилик әмәлдар интизамни еғир дәриҗидә бузғини үчүн, барлиқ вәзиписидин елип ташлинип қанун орунлириға тапшурулғанлиқини елан қилди.

Хитай һөкүмәт таратқулириниң 3 - ноябир сәйшәнбә күнидики хәвәрлиридә йәнә уйғур аптоном районлуқ намратларни йөләш ишханисиниң партком секритари, ишхана мудири җав гомиңниң «чоң ишларда мәркизи һөкүмәт вә аптонум районлуқ парткомниң қарариға хилаплиқ қилғанлиқи үчүн партийидин қоғлап чиқирилип, вәзиписидин елип ташлинип, қанун орунлириниң тәкшүрүшигә тапшурулған» лиқи хәвәр қилинди.

Мәлум болушичә, бу, уйғур аптонум районида, дүшәнбә күни шинҗаң гезитиниң партком секритари җав шинвей вәзипидин қалдурулғандин кейин, уйғур аптоном районида йәнә икки нәпәр юқири дәриҗилик әмәлдарниң җазалиниши.

Уйғур аптоном район даирилири 2 - ноябир дүшәнбә күни уқтуруш чиқирип, «шинҗаң гезити» идарисиниң партком секретари, баш муһәррири һәм муавин идарә башлиқи җав шинвейниң барлиқ әмәллиридин елип ташлинип, компартийәдин чиқирилғанлиқини вә қанун орунлириға тапшурулғанлиқини елан қилған иди.

Пикирләр (0)
Share
Толуқ бәт