Uyghur aptonum rayonida yene ikki neper yuqiri derijilik emeldar jazalandi

Muxbirimiz méhriban
2015-11-03
Élxet
Pikir
Share
Print


3 - Noyabir seyshenbe küni xitay merkizi intizam tekshürüsh idarisi uqturush chiqirip, Uyghur aptonom rayonluq jama'et xewpsizlik nazariti chégra mudapi'e etritining bashliqi jang myenxéng, ichki mongghul jama'et xewepsizlik nazariti ishxana mudiri li wénli qatarliq 22 neper yuqiri derijilik emeldar intizamni éghir derijide buzghini üchün, barliq wezipisidin élip tashlinip qanun orunlirigha tapshurulghanliqini élan qildi.

Xitay hökümet taratqulirining 3 - noyabir seyshenbe künidiki xewerliride yene Uyghur aptonom rayonluq namratlarni yölesh ishxanisining partkom sékritari, ishxana mudiri jaw gomingning "Chong ishlarda merkizi hökümet we aptonum rayonluq partkomning qararigha xilapliq qilghanliqi üchün partiyidin qoghlap chiqirilip, wezipisidin élip tashlinip, qanun orunlirining tekshürüshige tapshurulghan" liqi xewer qilindi.

Melum bolushiche, bu, Uyghur aptonum rayonida, düshenbe küni shinjang gézitining partkom sékritari jaw shinwéy wezipidin qaldurulghandin kéyin, Uyghur aptonom rayonida yene ikki neper yuqiri derijilik emeldarning jazalinishi.

Uyghur aptonom rayon da'iriliri 2 - noyabir düshenbe küni uqturush chiqirip, "Shinjang géziti" idarisining partkom sékrétari, bash muherriri hem mu'awin idare bashliqi jaw shinwéyning barliq emelliridin élip tashlinip, kompartiyedin chiqirilghanliqini we qanun orunlirigha tapshurulghanliqini élan qilghan idi.

Toluq bet