2015-Yil kirishi bile Uyghur rayonida chiriklikke zerbe bérish kücheytildi

Muxbirimiz méhriban
2015.01.06

5-Yanwar küni, Uyghur aptonom rayon da'iriliri intizamgha xilapliq qilghan hökümet emeldarliridin yene tötining ismini élan qildi.

“Shinjang tori”ning xewiride déyilishiche, bu emeldarlar xizmet qulayliqidin paydilinip, parixorluq chiriklik qilmishliri bilen shughullan'ghan. Uyghur aptonom rayon da'iriliri yéngi yil harpisida yeni 30-dékabir küni 8 neper hökümet emeldarining “Intizamgha xilapliq qilip, jazalan'ghanliqi”ni élan qilghan idi.

Xewerde yene 2014-yili merkizi hökümiti “Kadirlar ri'aye qilidighan 8 tüzüm”ni élan qilghandin buyan, pütün dölet boyiche 102 ming 168 hökümet kadirigha chare körülgenliki tilgha élinip, 2015-yili, yéngi yildin bashlap her ayda intizamgha xilapliq qilghan, jazalan'ghan kadirlarning isimliki élan qilinidighanliqi eskertilgen.

2013-Yili yil axirida xitay dölet re'isi shi jinping xitayda “Chiriklikke zerbe bérish” herikiti bashlan'ghanliqini bildürgen idi. Emma, 2014-yili Uyghur rayonida köp qétim yüz bergen qarshiliq heriketliri we qanliq toqunushlar sewebidin, da'iriler Uyghur rayonida “Térrorluq, diniy ashqunluq” qa zerbe bérishni asasi nishan qilidighanliqini jakarlighan. Uyghur rayoni hökümet xewerliridimu “Chiriklik” we “Parixorluqqa zerbe bérish” atalghuliri anche köp uchrimighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.