Көзәткүчиләр чөчәктә ечилидиған хәлқара базарниң йәрлик хәлққә мәнпәәт йәткүзүшидин гуманланмақта

Мухбиримиз меһрибан
2015-09-15
Share

Хитай даирилири чөчәк шәһирини, оттура асия дөләтлири билән сода елип баридиған дәриҗидин ташқири хәлқара деһқанчилиқ мәһсулатлири базириға айландуридиғанлиқини җакарлиди.

Хитайниң бу һәқтики хәвиридин мәлум болушичә, чөчәк шәһиригә 12 километир келидиған бақту еғизида оттура асия җумһурийәтлири билән деһқанчилиқ мәһсулатлирини топ сатидиған хәлқаралиқ сода мәркизи қурулмақтикән. Қазақистан билән чегрилинидиған бақту еғизида 2013-йилдин башлап деһқанчилиқ мәһсулатлири базири ечилған болуп, бу, хитайниң ғәрбидики оттура асия дөләтлири билән мәхсус деһқанчилиқ мәһсулатлирини експорт-импорт қилидиған тунҗи базири һесаблинидикән.

Мәлум болушичә, даириләр нөвәттә ғулҗиниң қорғас еғизи, чөчәкниң бақту еғизидики сода базарлирини хитайниң ғәрбий еғизидики оттура асия дөләтлири билән експорт-импорт содиси қилидиған әң чоң хәлқаралиқ сода базириға айландурушни қарар қилған.

Көзәткүчиләр, бу түрдики базарларниң илгири ечилған базарларға охшашла, йәрлик хәлқләргә, җүмлидин уйғур деһқанлири вә тиҗарәтчилиригә мәнпәәт елип келишигә гуман билән қарайдиғанлиқини билдүрмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт