Чөчәк вилайитидә пуқраларниң сиртқа чиқишта рухсәт елиши тәләп қилинидиғанлиқи ашкариланди

Мухбиримиз әркин
2019-12-27
Share

Уйғур дияриниң чөчәк вилайитидә партийә әзалири вә авам хәлқниң сиртқа чиқишта җәдвәл толдуруп, йәрлик орунларниң тәстиқини елиши тәләп қилинидиғанлиқи ашкариланди.

Қазақистандики уйғур диярилиқ қазақларниң радийомизға ашкарилишичә, бу хил җәдвәлни толдурмай башқа җайларға барғанлар җазалинидикән. Қазақистандики уйғур диярилиқ бир қазақ пуқраси радийомизни чағантоқай наһийәсидики бир иҗтимаий районниң чиқарған бу һәқтики бир җәдвили билән тәминлиди.

«Чағантоқай наһийәси қарабулақ базириниң мәдәнийәт кочиси иҗтимаий районидики партийә әзалири вә амминиң сиртқа чиқишни илтимас қилиш җәдвили» намлиқ бу һөҗҗәттә илтимас қилғучиниң баридиған йери, бериш мәқсити, вәдинамә йезиши вә мәсул 3 кишиниң пикири һәм тәстиқини елиши тәләп қилинған.

Хитайниң чөчәк шәһиридики бир лагерида бир йил 9 ай йетип йеқинда қазақистанға чиққан бир қазақ пуқрасиниң билдүрүшичә, у һәр қетим сиртқа чиқмақчи болса иҗтимаий районға берип, бу җәдвәлни толдуридикән. У 26‏-декабир радийомизниң зияритини қобул қилғанда «пуқралар, болупму лагерда йетип чиққанлар сиртқа чиқмақчи болса бу җәдвәлни чоқум толдуруши керәк. Кәнт яки йезиға бармақчи болғанларму бу җәдвәлни толдуриду. Әгәр бу җәдвәлни толдурмай башқа җайға барсиңиз ,сизни тутуп келиду» дегән. Униң қәйт қилишичә, әгәр пуқралар бәлгилимигә хилаплиқ қилип, сиртта туруп қалса яки кечикип қайтип кәлсә, дәрһал «сияиси тәрбийәләш лагери» ға әвәтилидикән.

Мәзкур һөҗҗәт техи қарабулақ базарлиқ һөкүмәт даирилири тәрипидин дәлилләнмиди. Әмма д у қ баянатчиси дилшат решитниң билдүрүшичә, бу җәдвәл хитайниң уйғур диярида йүргүзүватқан һазирқи сиясити билән бирдәкликкә игә икән. У «әмәлийттә бу усул түрминиң өзгәргән бир хил шәкли болуп, пүткүл районда иҗра қилинмақта,» дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.