Chöchek wilayitide puqralarning sirtqa chiqishta ruxset élishi telep qilinidighanliqi ashkarilandi

Muxbirimiz erkin
2019-12-27
Share

Uyghur diyarining chöchek wilayitide partiye ezaliri we awam xelqning sirtqa chiqishta jedwel toldurup, yerlik orunlarning testiqini élishi telep qilinidighanliqi ashkarilandi.

Qazaqistandiki Uyghur diyariliq qazaqlarning radiyomizgha ashkarilishiche, bu xil jedwelni toldurmay bashqa jaylargha barghanlar jazalinidiken. Qazaqistandiki Uyghur diyariliq bir qazaq puqrasi radiyomizni chaghantoqay nahiyesidiki bir ijtima'iy rayonning chiqarghan bu heqtiki bir jedwili bilen teminlidi.

"Chaghantoqay nahiyesi qarabulaq bazirining medeniyet kochisi ijtima'iy rayonidiki partiye ezaliri we ammining sirtqa chiqishni iltimas qilish jedwili" namliq bu höjjette iltimas qilghuchining baridighan yéri, bérish meqsiti, wediname yézishi we mes'ul 3 kishining pikiri hem testiqini élishi telep qilin'ghan.

Xitayning chöchek shehiridiki bir lagérida bir yil 9 ay yétip yéqinda qazaqistan'gha chiqqan bir qazaq puqrasining bildürüshiche, u her qétim sirtqa chiqmaqchi bolsa ijtima'iy rayon'gha bérip, bu jedwelni tolduridiken. U 26‏-dékabir radiyomizning ziyaritini qobul qilghanda "Puqralar, bolupmu lagérda yétip chiqqanlar sirtqa chiqmaqchi bolsa bu jedwelni choqum toldurushi kérek. Kent yaki yézigha barmaqchi bolghanlarmu bu jedwelni tolduridu. Eger bu jedwelni toldurmay bashqa jaygha barsingiz ,sizni tutup kélidu" dégen. Uning qeyt qilishiche, eger puqralar belgilimige xilapliq qilip, sirtta turup qalsa yaki kéchikip qaytip kelse, derhal "Siya'isi terbiyelesh lagéri" gha ewetilidiken.

Mezkur höjjet téxi qarabulaq bazarliq hökümet da'iriliri teripidin delillenmidi. Emma d u q bayanatchisi dilshat réshitning bildürüshiche, bu jedwel xitayning Uyghur diyarida yürgüzüwatqan hazirqi siyasiti bilen birdeklikke ige iken. U "Emeliytte bu usul türmining özgergen bir xil shekli bolup, pütkül rayonda ijra qilinmaqta," dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet