Chöchekte “Ming kishilik naxsha éytish musabiqisi” ötküzüldi

22 - May küni chöchek sheherlik hökümiti we chöchek wilayiti kompartiye komitétining bash bolup teshkillishi bilen “Ming kishilik qosh tilda naxsha éytish musabiqisi” ötküzülgen.

Shinxu'a torining neqil élishiche, bu bir kolléktip naxsha éytish musabiqisidin ibaret bolup؛ her bir xor guruppisigha qatnishidighan adem sani alahide köp bolghanliqi üchün, musabiqe chöchek shehiridiki chong naxsha - muzika meydanida ötküzülgen.

Xewerde éytilishiche, bu qosh tilliq naxsha éytish musabiqisi bolup, buninggha chöchek shehiridiki 10 xor ömiki qatniship “Junggo kompartiyisi bolmisa, yéngi junggo bolmaytti, “Güzel tarbaghatay”, “Men jungxu'ani söyimen” dégendek naxshilar éytqan. Emma, xewerde bu naxshilarning konkrét qaysi tilda éytilghanliqi heqqide héchnéme déyilimigen.

Xitay axbaratida mezkur “Ming kishilik naxsha, musabiqisi”ning aptonom rayoni qurulghanliqining 60 yilliqi, xitay kompartiyesi qurulghanliqining 94 yilliqigha atalghanliqi tekitlen'gen.

Emma, Uyghur élining jenubi we shimaldiki Uyghurlar zich jaylashqan wilayet, nahiye we yézilarda “Dini ashqunluqqa qarshi turush” teshwiqatining kücheytilip, imamlarni öz ichige alghan diniy zatlar, kadirlar, oqutquchilar we déhqanlar hem bashqilarning kolléktip “Alma usuli”, “Qizil naxsha éytish musabiqisi” we bashqa pa'aliyetlerge teshkilliniwatqanliqi melum.