Ürümchi "Chong bazar" diki Uyghur medeniyet iznalirining ghayib qilinishi diqqet qozghimaqta

Muxbirimiz irade
2021-07-02
Share

Xitay kompartiyesi qurulushining 100 yilliqini tebriklesh pa'aliyetlirining bir qismi süpitide, ürümchidiki sayahet merkizi bolghan "Xelq'ara chong baziri" da xitay kompartiyesining 100 yilliqini tebriklesh bash téma qilin'ghan bir pa'aliyet uyushturulghan.

Xitayning tengritagh torining bu heqte bergen süretlik xewerliridin qarighanda, shu küni chong bazardiki munarigha "Ulugh xitay kompartiyesi yashisun", "Menggü kompartiyege egishimiz" dégen xitayche sözler chiragh arqiliq chüshürülgen.

"Xelq'ara chong baziri" Uyghurlar eng köp jaylashqan döngköwrükte Uyghur medeniyiti gewdilendürüp sélin'ghan orun bolup, bu jayda ilgiri sayahetchilerni jelp qilish üchün bolsimu Uyghurche medeniyet alahidilikliri we Uyghurche lozunkilar saqlap qélin'ghanidi.

Biraq, tengritagh torida élan qilin'ghan bu resimlerde dukan wiwiskilirini öz ichige alghan halda hemme yerni chong-chong xitayche yéziqlar, sho'arlar, lozunkilarning qaplighanliqi, eksiche u yerde Uyghur yéziqining asasen dégüdek közge chéliqmaydighanliqi, seyle qiliwatqanlarningmu mutleq köpining xitaylar ikenliki diqqet qozghidi.

Chet'ellerdiki Uyghur közetküchiler buni xitay hökümitining 2017-yilidin kéyin rayonda yolgha qoyghan ochuq-ashkara medeniyet assimilyatsiyesi we Uyghurlarni lagér hem türmilerge solash siyasetlirining mehsuli, dep bahalimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet