Rusiyide 1937 - 1938 - yillardiki chong tazilash qurbanliri xatirilendi

Muxbirimiz ümidwar
2014-11-02
Share


30 - Öktebir küni rusiyening köpligen sheherliride stalinning 1937 - 1938 - yilliridiki siyasiy tazilash herikitining qurbanlirini xatirilesh pa'aliyetliri ötküzüldi.

Rusiyediki kishilik hoquq teshkilatining tor sehipiside bayan qilinishiche, 30 - öktebir küni moskwadiki "Saxarow merkizide "1937 - 1938 - Yilliridiki chong térror" mawzuluq körgezme ötküzülgen. Shu küni yene moskwadiki sabiq n k w d orginining 1937 - 1938 - yilliri arisida 20 mingdin artuq adem étip öltürülgen butowskiy jaza meydanida "Xatirelesh awazi" dégen namda "Chong térror"qurbanlirini xatirilesh pa'aliyiti uyushuruldi.

Uningdin bashqa yene moskwadiki sabiq sowét ittipaqi dölet bixeterlik orgini jaylashqan lubiyanka meydanidiki siyasiy teqipblesh qurbanliri üchün ornitilghan xatire tash aldida xatirilesh pa'aliyetliri ötküzülgen.

Saxarow merkizidiki siyasiy qurbanlarni xatirilesh foto süretliri körgezmisini polshaliq fotograf tomosha kizni teyyarlighan bolup, uning toplighan 1937 - 1938 - yilliridiki siyasiy tazilashqa a'it süretlirining körgezmisi yene yawropa döletliridimu ötküzülgen.

1937 - 1938 - Yilliridiki stalin hökümitining chong tazilash herikiti insaniyet tarixidiki eng zor siyasiy teqiblesh we jazalash heriketlirining biri bolup, sowét ittipaqi kompartiyesi merkiziy komitétining buyruqi boyiche, sowét ittipaqi n k w d ( xelq ichki ishlar komissariyati) élip barghan mezkur tazilashta türme jazasigha mehkum qilin'ghan we étip tashlan'ghan hem emgek lagirlirida we türmilerde ölgenlerning sani'i heqqide oxshimighan melumatlar bar.

Robért konkwéstning melumatiche, 1937 - 1938 - yilliri 7milyondin 8 milyon'ghiche adem qolghan élin'ghan bolup, uning ichide 1 milyodin 1 yérim milyon'ghiche adem ölümge höküm qilinip, étip tashlan'ghan. Texminen 2 milyon adem emgek bilen özgertish lagirlirida ölgen yaki étiwétilgen.

Tarixchi w.Zémskowning qeyt qilishiche, eng dehshetlik tazilash 1937 - 1938 - yilliri bolghan bolup, 1milyon 300 ming adem jazalan'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet