Kristofir simis: "Xitayning Uyghurlargha qiliwatqini irqiy qirghinchiliq bolmisa, néme irqiy qirghinchiliqchiliq bolidu?"

Muxbirimiz erkin
2020-10-05
Élxet
Pikir
Share
Print

Amérika awam palata ezasi kristofir simis xitayning Uyghurlargha qarita irqiy qirghinchiliqi élip bériwatqanliqi, xitayning qilmishi irqiy qirghinchiliq bolmisa, yene némining irqiy qirghinchiliq déyilidighanliqini tekitligen.

"Amérika awazi" radiyosining 5-öktebir xewer qilishiche, kristofir simis "Shi jinpingning Uyghur musulmanlirigha qaratqan irqiy qirghinchiliqi ademni ghezeplendüridu" dégen. Uning tekitlishiche, xitay "Uyghurrlarni izchil kemsitip kelmektiken".

U yene rabiye qadir xanimning amérikagha kélip tunji qétim özige guwahliq bergenliki, uning qaltis jesur ayal ikenliki, hazir uning pütün a'ilisining türmige qamalghanliqini bildürüp: "Eger irqiy qirghinchiliq ehdinamisigha qarisingiz uningda bir millet, bir irq we dinni pütünley yaki qismen yoqitish irqiy qirghinchiliqqa kiridu. Ular hazir Uyghurlarni pütünley yoqitiwatidu. Eger bu irqiy qirghinchiliqning éniqlimisigha chüsmise yene néme irqiy righinchilq hésablinidu?" dégen. Uning tekitlishiche, "Xewpsizlik kéngishi bu mesilige qarita qattiq heriket qollnishini kérek" iken.

Kristofir simis yene Uyghur mejburi'i emgiki mesilisi heqqide toxtilip, dunya paxta mehsulatining 22 % ning Uyghur diyarida ishlepchirilidighanliqi, özlirining chiqarghan qanuni buni pütünley chekleydighanliqini bildürgen. Uning tekitlishiche, Uyghur aptonom rayonida ishlepchirilghan mehsulatning hemmisi gulag yaki qul emgikige chétishliq bolushi mumkin bolup, bu rayonda ishlepchirilghan mehsulatlarning amérikagha import qilinishi birdek cheklinishi kérek iken. Kristofir simis yéqinqi 20 nechche yil mabeynide Uyghurlarni izchil qollap kelgen jumhuriyetchi awam palata ezasi bolup, u "Uyghur kishilik hoquq siyasiti qanuni" ning maqullinishida halqiliq rol oynighan shexslerning biri.

Toluq bet