Amérika merkizi istixbarat idarisi (CIA) mexsus xitaygha qarshi turush merkizi qurghan

Muxbirimiz erkin
2021-10-08
Share

Amérika merkizi istixbarat idarisi (CIA) mexsus xitaygha a'it istixbarat toplaydighan we xitayning amérikadiki jasusluq heriketlirige taqabil turidighan yéngi merkez qurghan. "Washin'gton pochtisi géziti" ning xewiride éytilishiche, bu yuqiri derijilik amérika emeldarlirining xitay bilen hemmini öz ichige alghan uzun yilliq bir küreshke teyyarliq qiliwatqanliqining yene bir ipadisi iken.

Merkizi istixbarat idarisining bashliqi wilyam burnis 6-öktebir küni merkizi istixbarat idarisi xadimlirigha qilghan sözide, bu merkez: "Bizning 21-esirde duch kelgen xitay hökümitidek düshmenliki künséri éshiwatqan eng muhim gé'o-siyasi tehditke qarita kolléktip xizmitimizni téximu kücheytish tirishchanliqidur" dep körsetken.

"Washin'gton pochtisi" ning qeyt qilishiche, yuqiri derijilik bir merkizi istixbarat idarisi emeldari, xitaygha qarshi turush herikitining kölimini sowét ittipaqigha qarshi soghuq munasiwetler urushigha sélishturup, biraq "Xitayning amérika we dunya bilen zich baghlinishliq ‍iqtisadiy kölimi tüpeyli téximu qorqunchluq we murekkep reqib ikenliki" ni éytqan.

Yuqiriqi emeldar yene merkizi ‍istixbarat idarisining sowétqa qarshi turghanda qilghinidek dunyadiki her qaysi döletlerge téximu köp xadim, tilshunas, téxnik we mutexessis orunlashturup, xitaygha qarshi ‍istixbarat toplaydighanliqini bildürgen. "Washin'gton pochtisi" ning éytishiche, "Xitay merkizi" ning qurulushi xitayning merkizi ‍istixbarat idarisining 1-nomurluq nishanigha aylan'ghanliqining ipadisi iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet