CIA Diki xitay jasusi öz jinayitini étirap qildi

Washin'gtondin muxbirimiz irade teyyarlidi
2024.05.30

Amérika edliye ministirliqining jakarlishiche, ma yüching we uning ismi ashkarilanmighan bir tughqini birdek amérika merkiziy istixbarat idarisi (CIA) ning sabiq xizmetchiliri bolup, ular ayrim-ayrim halda xongkong we shangxeyde tughulghan hemde kéyinche amérika puqraliqigha ötken iken. Ma yüching 1982-yildin 1989-yilghiche, uning tughqini 1969-yildin 1983-yilghiche CIA da xizmet qilghan.

CIA Ning xizmetchisi bolush süpiti bilen her ikkisining CIA ning sezgür we mexpiy uchurlirini körüsh salahiyiti bar bolup, ular yene bu uchurlarning mutleq mexpiyetlikini qoghdash heqqidiki mes'uliyet höjjitigimu imza qoyghan. Emma ma yüching 2001-yili 3-ayda, yeni CIA da ishlimigen mezgilide shangxey dölet bixeterlik idarisi (SSSB) istixbarat xadimlirining teklipi bilen özining tughqinini bu idarining xadimi bilen körüshüshke maqul keltürgen. Netijide uning tughqini xitay istixbarat xadimi bilen xongkongdiki bir méhmanxanida uchriship uni amérikaning zor miqdardiki dölet mudapi'e uchurliri bilen teminligen. Buning bedilige u 50 ming dollar pul alghan. Ular yene bu xadim bilen dawamliq hemkarlishishqa qoshulghan.

2003-Yili 3-ayda ma yüching hawayda turghan mezgilde amérika fédératsiye tekshürüsh idarisi (FBI) ning honolulu baza ishxanisida toxtamliq terjiman bolushqa iltimas qilghan. Eyni chaghda amérika fédératsiye tekshürüsh idarisi ma yüchingning xitay istixbarat organliri bilen bolghan alaqisini bilgen bolsimu uni iz qoghlap tekshürüsh pilanining bir qismi süpitide ishqa qobul qilghan we bu arqiliq uning pa'aliyitini we xitay bilen bolghan alaqisini tekshürgen. Netijide ma yüching 2004-yili 8-aydin 2012-yili 10-ayghiche FBI da ishligen.

Mayüching bu jeryanda yeni, 2006-yili 2-ayda, özining tughqinini shangxey istixbarat xadimliri telep qilghan amérikaliq ikki shexsning kimlik melumatlirini teminlep bérishke qayil qilghan. Bu shexslerning salahiyiti amérikaning dölet mudapi'e uchuri bolup hésablinidiken. U özining yuqiridiki uchurni yetküzüshning amérikaning xewpsizliki üchün ziyanliqliqini bilip turup qilghanliqini iqrar qilghan. U 2020-yili qolgha élin'ghan iken. Uning sot hökmi 2024-yili 9-ayda élan qilinidiken.

Bundin sirt, bügün amérika da'iriliri yene 35 yashliq wang yünxé isimlik xitayni sin'gaporda qolgha chüshürgen bolup, u tor jinayiti bilen shughullinish arqiliq amérika hökümitige a'it nechche milyard dollar pulni aldap éliwalghan iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.