CNN Дә малайшия айропиландики мәмәтҗан абдулла һәққидә хәвәр берилди

Мухбиримиз җүмә
2014-03-29
Елхәт
Пикир
Share
Принт

Америкидики әң чоң телевизийә қаналлиридин бири CNN дә 20 күндин буян из - дерикини болмиған малайшия айропиландики уйғур йолучи мәмәтҗан абдулла һәққидә мәхсус хәвәр берилди.

Хәвәрдә мәмәтҗанниң хитайниң ғәрбий қисмидики уйғур районидин кәлгән уйғур рәссам икәнлики, униң юрт муһәббити баш тема қилинған бир қатар иҗадийәтләрниң аптори икәнлики, тунҗи қетимлиқ чәтәл сәпиридә қазаға учриғанлиқи баян қилинди.

Хәвәрдә йәнә мәмәтҗанниң сабиқ оқутқучиси зиярәт қилинған болуп, униңдин мәмәтҗанниң мәзкур айропиланиң йоқап кетишидә қоли бар - йоқлуқ соралди.

Оқутқучи, буниңдики мумкинчилик қәтий рәт қилди.

Илгири бәзи хәвәрләрдә, мәмәтҗанниң исми йолучилар тизимликидин өчүрүветилгән. Бир қисим хитай тор бәтлиридә айропиланниң қазаға йолуқуши униң билән мунасивәтлик болуши мумкин дегәнгә охшаш гуманлар оттуриға қоюлған иди.

Малайшиядин хитайға қарап йолға чиқип ғайиб болған бу айропиландин һазирғичә учур йоқ, даириләр тәкшүрүшини изчил давам қилмақта.

Пикирләр (0)
Share
Толуқ бәт