CNN De malayshiya ayropilandiki memetjan abdulla heqqide xewer bérildi

Muxbirimiz jüme
2014-03-29
Share

Amérikidiki eng chong téléwiziye qanalliridin biri CNN de 20 kündin buyan iz - dérikini bolmighan malayshiya ayropilandiki Uyghur yoluchi memetjan abdulla heqqide mexsus xewer bérildi.

Xewerde memetjanning xitayning gherbiy qismidiki Uyghur rayonidin kelgen Uyghur ressam ikenliki, uning yurt muhebbiti bash téma qilin'ghan bir qatar ijadiyetlerning aptori ikenliki, tunji qétimliq chet'el sepiride qazagha uchrighanliqi bayan qilindi.

Xewerde yene memetjanning sabiq oqutquchisi ziyaret qilin'ghan bolup, uningdin memetjanning mezkur ayropilaning yoqap kétishide qoli bar - yoqluq soraldi.

Oqutquchi, buningdiki mumkinchilik qet'iy ret qildi.

Ilgiri bezi xewerlerde, memetjanning ismi yoluchilar tizimlikidin öchürüwétilgen. Bir qisim xitay tor betliride ayropilanning qazagha yoluqushi uning bilen munasiwetlik bolushi mumkin dégen'ge oxshash gumanlar otturigha qoyulghan idi.

Malayshiyadin xitaygha qarap yolgha chiqip ghayib bolghan bu ayropilandin hazirghiche uchur yoq, da'iriler tekshürüshini izchil dawam qilmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet