CNN: «Уйғур райони билән болған сода алақисини үзгән ғәрб карханилири көпәймәктә»

Мухбиримиз әркин
2019-05-24
Елхәт
Пикир
Share
Принт

Америка телевизийә қанили‏-CNN уйғурлар һәққидә йәнә хәвәр берип, хитай ширкәтлириниң уйғурларни мәҗбурий әмгәккә селиш билән әйиблиниватқанлиқи, уйғур райони билән сода алақисини тохтатқан ғәрб ширкәтлириниң көпийиватқанлиқини билдүрди.

CNN Ниң 23‏-май күни бәргән хәвиридә, хитайниң уйғур районида 2 милйондәк уйғур, қазақ, қирғиз вә башқа мусулманларниң мәҗбурий лагерларда тутуп туруватқанлиқи, бир түркүм тутқунларни мәҗбурий әмгәккә селиватқанлиқи қәйт қилиниватқанлиқини, бейҗиң бу орунларда тән җазаси, сиясий меңә ююш елип бериливатқанлиқини рәт қилип, бу орунларни террорлуққа қарши «кәспий маһарәт өгитиш мәркәзлири» дә тәриплисиму, лекин униң чүшәндүрүши ғәрб карханилирини қайил қилалмиғанлиқи илгири сүрүлгән.

Хәвәрдә қәйт қилинишичә, нөвәттә бу райондики хитай ширкәтлири билән сода алақисини өзиватқан ғәрб карханилириниң сани көпәймәктикән. Хәвәрдә, «спирит», «адидас» қатарлиқ хәлқара чоң ширкәтләрниң мәзкур районда кархана қуруп, уларни мәһсулат билән тәминләватқан хитай ширкәтлири билән алақисини үзгәнлики билдүрүлгән.

Хәвәрдә илгири сүрилишичә, уйғур районида тутқунларни мәҗбурий әмгәк селиш һәққидики хәвәрләр америка һөкүмити вә кишилик һоқуқ тәшкилатлирини җиддий һәрикәткә кәлтүргән. Хәвәрдә, хәлқара кәчүрүм тәшкилатиниң тәтқиқатчиси виллиам нейниң сөзи нәқил кәлтүрүлгән. У: «ишләш мәсилисигә кәлсәк, биз кишиләрниң интайин аз пулға наһайити узун ишләйдиғанлиқи вә таллаш әркинлики йоқлуқини аңлаватимиз» дегән. Хәвәрдә, хитайниң «хуафу мода кийимләр ширкити» ниң уйғур районида завут қурғанлиқи, буниң йеқинда «вол стерет журнили» гезити тәрипидин ашкариланғанлиқи билдүрүлгән. Бу хәвәрдә қәйт қилинишичә, «хуафу» шркити CNN гә бәргән баянатида мәҗбурий әмгәкни рәт қилған болсиму, әмма униң тор бетидики бәзи рәсимлик хәвәрләр униң сөзлирини инкар қилидикән. CNN Ниң илгири сүришичә, нөвәттә гап, спирит, бадгәр спротс, һ&м қатарлиқ чоң хәлқиара ширкәтләр уларни мәһсулат билән тәминләйдиған хитай карханилириниң уйғур районида кишилик һоқуқни дәпсәндә қилишқа қатнашқан-қатнашмиғанлиқини тәкшүрмәктә икән.

Пикирләр (0)
Share
Толуқ бәт