CNN: "Uyghur rayoni bilen bolghan soda alaqisini üzgen gherb karxaniliri köpeymekte"

Muxbirimiz erkin
2019-05-24
Élxet
Pikir
Share
Print

Amérika téléwiziye qanili‏-CNN Uyghurlar heqqide yene xewer bérip, xitay shirketlirining Uyghurlarni mejburiy emgekke sélish bilen eyibliniwatqanliqi, Uyghur rayoni bilen soda alaqisini toxtatqan gherb shirketlirining köpiyiwatqanliqini bildürdi.

CNN Ning 23‏-may küni bergen xewiride, xitayning Uyghur rayonida 2 milyondek Uyghur, qazaq, qirghiz we bashqa musulmanlarning mejburiy lagérlarda tutup turuwatqanliqi, bir türküm tutqunlarni mejburiy emgekke séliwatqanliqi qeyt qiliniwatqanliqini, béyjing bu orunlarda ten jazasi, siyasiy ménge yuyush élip bériliwatqanliqini ret qilip, bu orunlarni térrorluqqa qarshi "Kespiy maharet ögitish merkezliri" de teriplisimu, lékin uning chüshendürüshi gherb karxanilirini qayil qilalmighanliqi ilgiri sürülgen.

Xewerde qeyt qilinishiche, nöwette bu rayondiki xitay shirketliri bilen soda alaqisini öziwatqan gherb karxanilirining sani köpeymektiken. Xewerde, "Spirit", "Adidas" qatarliq xelq'ara chong shirketlerning mezkur rayonda karxana qurup, ularni mehsulat bilen teminlewatqan xitay shirketliri bilen alaqisini üzgenliki bildürülgen.

Xewerde ilgiri sürilishiche, Uyghur rayonida tutqunlarni mejburiy emgek sélish heqqidiki xewerler amérika hökümiti we kishilik hoquq teshkilatlirini jiddiy heriketke keltürgen. Xewerde, xelq'ara kechürüm teshkilatining tetqiqatchisi willi'am néyning sözi neqil keltürülgen. U: "Ishlesh mesilisige kelsek, biz kishilerning intayin az pulgha nahayiti uzun ishleydighanliqi we tallash erkinliki yoqluqini anglawatimiz" dégen. Xewerde, xitayning "Xu'afu moda kiyimler shirkiti" ning Uyghur rayonida zawut qurghanliqi, buning yéqinda "Wol stérét zhurnili" géziti teripidin ashkarilan'ghanliqi bildürülgen. Bu xewerde qeyt qilinishiche, "Xu'afu" shrkiti CNN ge bergen bayanatida mejburiy emgekni ret qilghan bolsimu, emma uning tor bétidiki bezi resimlik xewerler uning sözlirini inkar qilidiken. CNN Ning ilgiri sürishiche, nöwette gap, spirit, badger sprots, h&m qatarliq chong xelq'i'ara shirketler ularni mehsulat bilen teminleydighan xitay karxanilirining Uyghur rayonida kishilik hoquqni depsende qilishqa qatnashqan-qatnashmighanliqini tekshürmekte iken.

Toluq bet