Dalay lama mötidil yolning choqum ghelibe qilishigha ishinidighanliqini bayan qildi

Muxbirimiz shöhret hoshur
2013-04-02
Share

Jüme küni hindistanning salugara dégen jayida 20 mingdin artuq muxlisigha söz qilghan tibet diniy dahiysi dalay lama, tibet mesilisini hel qilishta özi teshebbus qilghan mötidil yolning choqum ghelibe qilishigha ishinidighanliqini bayan qildi.

U bu nuqtida xitayda zor özgirishlerning boluwatqanliqini, jümlidin rast gep qilalaydighanlarning köpiyiwatqanliqini hem xitaylar arisida mötidil yolni qollighuchilarning köpiyiwatqanliqini tilgha élip "Men her ikki terepke paydiliq bolghan bu yolning ghelibe qilishigha 100% ishinimen" dégen.

Sürgündiki tibetliklerning bir qismi, bolupmu yash pa'aliyetchiler, xitay hökümitining tebi'iti we en'enisini nezerde tutup, tibet azadliq herikitining peqet radikal tedbirler arqiliqla wujudqa chiqidighanliqini ilgiri sürüshken؛ dalay lama bolsa, mesilini xitay terep bilen di'alog yoli bilen hel qilishni teshebbus qilip kelgen.

Dalay lama bu qétimqi sözide yene, özini tibet xelqining yétekchisi yaki buyruqchisi dep qarimaydighanliqini, peqet tibet xelqining wekili dep tonuydighanliqini we tibet xelqi némini xalisa xelq'ara jama'etke shuni yetküzüsh mes'uliyiti barliqini eskertken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet