Xitay hökümiti, dalay lamaning ornigha iz basar körsetmeydighanliqigha naraziliq bildürdi

Tibet rohaniy dahiysi dalay lama yéqinda özining eng axiriqi dalay lama ikenlikini, özige orun basar körsetmeydighanliqini jakarlighandin kéyin, xitay tashqi ishlar ministirliqi derhal bayanat bérip, dalay lamani diniy eqidilerge xilapliq qilish bilen eyiblidi.

Charshenbe küni xitay tashqi ishlar ministirliqining bayanatchisi xu'a chünying qilghan sözide, 14 - dalay lamaning bundaq qilishida yoshurun meqsiti barliqini éytqan we xitay hökümitining dalay lamaning ornigha iz basar qoyush tüzümini qoghdaydighanliqini éytqan. Biraq, tibetler bolsa xitay hökümitining dalay lamaning orun basarini özliri békitish arqiliq tibetler arisida bölünüsh peyda qilishni we bu arqiliq tibetni ilgirilep kontrol qilishni meqset qiliwatqanliqigha ishinidiken.

Dalay lama yéqinda gérmaniye axbaratigha söz qilghanda "Tibet buddizmi peqet birla indiwidu'al shexske tayinip qalsa bolmaydu. Shunglashqa biz emdi 5 esirdin buyan dawamliship kelgen dalay lamaliq diniy en'enimizni axirilashturushimiz kérek" dégen idi. Musteqilliq géziti dalay lamaning bu arqiliq xitay hökümitining tibetlerni téximu igirilep kontrol qilishining aldini élishning yolini izdewatqanliqini mulahize qilghan.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar