Dalay lama nezerbenttiki yash benchen lamaning hazirqi ehwalini yenimu tekshürüshni telep qilghan

Muxbirimiz qutlan
2015-09-14
Share

"Amérika awazi" ning xewirige qarighanda, tibetlerning rohaniy dahiysi dalay lama shenbe küni bayanat bérip, xitay hökümiti 20 yildin buyan nezerbentte tutup turuwatqan yash benchen lamaning hazirqi ehwalini tekshürüp körüshni telep qilghan.

Melumki, ötken hepte tibet aptonom rayonluq partkom birliksep bölümining bir neper emeldari tuyuqsizla bayanat bérip, 11-ewlad benchen lamaning "Normal yashawatqanliqi" we "Ma'arip terbiyisi éliwatqanliqi" ni tilgha alghan ildi.

Dalay lama xitay da'irilirining nezerbenttiki benchen lama heqqide bergen bayanatigha inkas bildürüp, uning ehwalining zadi qandaq ikenlikini "Yenimu tekshürüp körüsh zörür," dégen.

1995-Yili tibet buddizmining rohaniy dahiysi dalay lama emdila 6 yashqa kirgen niyimani 11-ewlad benchen lamaliqqa teyinligendin kéyin, xitay hökümiti uni öyidin tutup ketken. Shundin buyan 20 yil ötken bolsimu, xitay hökümiti yash benchen lama heqqide tashqi dunyagha héchqandaq uchur bermigen. U iz-déreksiz ghayib bolghan yili xitay hökümiti bashqa bir tibetlik balini "11-Ewlad benchen lama" dep élan qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet