Ju wéychün 14 - dalay lamaning dalay lamaliqqa xatime bérish hoquqi yoq, dédi

Muxbirimiz erkin
2014-12-19
Share


Xitay xelq qurultiyi milliy - diniy ishlar komitétining bashliqi ju wéychün, dalay lamaning dalay lamaliqqa warisliq qilish en'enisini bikar qilish hoquqi yoqluqini bildürgen. Tibet rohaniy dahiysi 14 - dalay lama yéqinda özining axirqi dalay lama bolup qalidighanliqi, özidin kéyin lama dinidiki warisliq en'enisige xatime bérilidighanliqini ilgiri sürgen.

Lékin, uning sözi izchil dinsizliqni terghib qilip kéliwatqan xitay da'irilirining naraziliqini qozghidi.

Ju wéychün jüme xitayning "Yer shari waqti géziti" ge qilghan sözide, "Dalay lamaliqqa warisliq qilish saqlap qilinamdu, emeldin qaldurulamdu, buni peqet merkizi hökümet qarar qilidu. 14 - Dalay lamaning dégini axirqi qarar hésablanmaydu" dégen.

Xitay hökümiti 2000 - yildin buyan dalay lamaning wekilliri bilen 10 qétimdek söhbet élip bardi. Ju wéychün burun merkizi komitét birliksep bölümining bashliqi süpitide bu söhbetke qatnashqan.

Biraq, söhbetning héchqandaq netijisi bolmighan. Ju wéychün özining tibet mesilisidiki qattiq qol meydani bilen tonushluq. U, bu yil 2 - ayda élan qilghan bir maqaliside, waqit bizning teripimizde, gherb axiri junggoning tibet we Uyghur mesilisidiki pozitsiyisini qobul qilidu, dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet