Хитай далай лама сәвәблик норвегийәгә йәнә наразилиқ билдүрди

Мухбиримиз әркин
2013.12.20
Share on WhatsApp
Share on WhatsApp

Хитай ташқи ишлар министирлиқи җүмә күни тибәт роһаний даһийси далай ламаниң келәр йили норвегийәгә қилидиған зиярити мунасивити билән йәнә наразилиқ билдүрди.

Норвегийә-хитай мунасивити нобел комитетиниң 3 йил аввал өктичи зат лю шавбоға “2010‏-йиллиқ нобел тинчлиқ мукапати” ни лайиқ көрүши билән бир қетим җиддийлишип кәткән.

Бу нөвәт, хитай ташқи ишлар баянатчиси хуа чүнйиң далай ламаниң зияритигә наразилиқ билдүрүп, җуңго һәрқандақ дөләтниң далай ламани күтүвелишиға қарши туриду, дегән.

У йәнә, җуңго башқа дөләт һөкүмәтлириниң далай лама билән һәрқандақ шәкилдики рәсмий учурушушиға қарши туриду, дәп көрситип, норвегийәни хитайниң негизлик мәнпәитигә һөрмәт қилишқа үндигән.

Нобел комитетиниң катипи геир лундестадниң ройтерс агентлиқиға ашкарилишичә, далай лама келәр йили 5‏-айда йәрлик буддист тәшкилатларниң тәклипигә бинаән норвегийәни зиярәт қилидикән.

Хитай норвегийәгә наразилиқ билдүрүштин бир күн аввал, гәнсу өлкисиниң тибәтләр олтурушлуқ амчок базирида йәнә бир яш тибәт раһиб өзигә от қоюп өлүвалған.

У йезип қалдурған вәсийитидә,“басқунчилар байлиқимизни, тинчлиқ вә хушаллиқимизни тартивалди” дегән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.