Dawanchingda ghayet zor kömür gaz zapisi bayqaldi

Muxbirimiz eziz
2017.09.27

Xitay hökümitining bashqurushidiki “Tengritagh” toridin melum bolushiche, 26-séntebir küni dawanching rayonidin omumi zapisi 100 milyard küp métir kélidighan ghayet zor kömür gaz zapisi bayqalghan. Xewerde éytilishiche bu san xitaydiki omumiy kömür gazining 26% ni teshkil qilidiken.

Kömür gazi yene “Métan gazi” depmu atilidighan bolup, u adette sap we ünümlük bolghan “Yéshil énérgiye” hésablinidu. Uni issinish, aptomobil yéqilghusi qatarliqlar üchün ishlitishke bolidighan bolup, tebi'iy gazgha oxshash ishlitishke bolidiken.

Shinxu'a agéntliqining bu heqtiki xewiride éytilishiche, dawanchingdiki kömür gazi zapisi 445 kwadrat kilométir da'irige yéyilghan bolup, yilliq mehsulat miqdarining 500 milyon küp métir bolidighanliqi mölcherlenmektiken.

Uyghur diyari izchil halda “Xitayning énérgiye ambiri” dep qarilip kéliwatqanliqi melum. Emma közetküchiler, Uyghur élidiki ghayet zor énérgiye bayliqlirining herqachan xitayning ichki ölkilirige yötkep kétilidighanliqini, bu bayliqlarning yerlik xelq bolghan Uyghurlargha héchqandaq iqtisadiy menpe'et élip kelmeywatqanliqini tekitlimekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.