Amérika soda ministirliki 33 xitay shirkitini “Delillenmigen shirketler tizimliki” ge qoshti

Muxbirimiz eziz
2022.02.08
Share on WhatsApp
Share on WhatsApp

Amérika soda ministirliki yéqida 33 xitay shirkitini “Delillenmigen shirketler tizimliki” ge kirgüzüp, amérika soda sahesining ular bilen tijaret qilishini cheklidi.

Birleshme agéntliqning 8-féwraldiki xewiride éytilishiche, bu shirketlerning qanunluq salahiyitini ispatlash mumkin bolmighanliqi üchün baydén hökümiti ulargha belge qoyghan hemde amérika tewesidin bu shirketlerge mal éksport qilishqa bolmaydighanliqini belgiligen. Soda ministirlikining yardemchi ministiri masyu aksélrod bu heqtiki yazma bayanatta “Biz amérika tewesidin mal alidighan chet'el shirketlirining qanunluq salahiyiti we ishenchlik derijisini bilishimiz kérek. Shundila biz éksport qilghan tawarlarning nege kétiwatqanliqini bileleymiz” dégen.

Amérika soda ministirlikining bu qarari amérika fédératsiye tekshürüsh idarisi (FBI) ning diréktori kristofér ray “Hazir héchqandaq bir dölet bizge idé'ologiye, ijadiyet we iqtisad bixeterliki sahesi boyiche xitaydek zor tehdit peyda qiliwatqini yoq” dep jakarlighan peytke toghra kelgen.

“Jenubiy xitay seher pochtisi” gézitining bu heqtiki xewiride éytilishiche, bu 33 shirket bundin kéyin amérika tewesidiki shirketlerdin herqandaq mal sétiwalmaqchi bolsa aldi bilen amérika soda ministirlikining ijazitini élishi kérek iken. 2020-Yili amérika hökümiti xitaydiki eng chong téléfon ishlepchiqarghuchi bolghan “Jongshing” (ZTE) guruhigha mushuninggha oxshap kétidighan cheklimini qoyghanda ular weyran bolushqa qil qalghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet