"Démokratiye yézisi" - wukende qattiq teqib tedbirliri élin'ghan

Muxbirimiz jüme
2017-11-11
Élxet
Pikir
Share
Print

Xitayning atalmish démokratiye yézisi - wukende qattiq teqib tedbirliri élin'ghan bolup, bu yézida héchkim muxbirlargha gep qilishni xalimaydighan ehwal shekillen'gen.

Roytérsning xewer qilishiche, yézining asasliq kochilirining hemmisige közitish apparatliri ornitilghan iken. Yerliklerning éytishiche, nöwette nechche on adem türmige tashlan'ghan bolup, hemme yerde hökümet paylaqchilirini uchratqini bolidiken. 

Gu'angdung ölkisi, luféng shehirige qarashliq wuken yézisi hökümet belgiligen yéza emeldarlirini ret qilip, öz bashliqini özi bilet tashlap saylap, "Démokratiye yézisi" dep, nam chiqarghan yéza idi. 

Yézi xelqi öz yézisidiki térilghu yerlerning sétilishi we chiriklikke qarishi 2011-yili séntebirde namayish qilghan. Namayish shu yili dékabirda bésiqturulghan bolsimu, yéza xelqi ötken yili séntebirde yene qozghilip, hökümetke naraziliq bildürgen. 

Xitay hökümiti zor türkümde saqchi yötkep, namayishni basturghan we yéza bashliqi lin zulyenni qolgha alghan. 

Roytérsning xewirige qarighanda, namayish bésiqturulghandin kéyin, wukende küchlük xewpsizlik tedbirliri élin'ghan.

Yerlikler roytérs muxbirlirigha yéza etrapigha saqchi qoyulghanliqi, hökümetning barliq wasitilerni qollinip yézida muqimliq saqlawatqanliqini bildürüshken.

Köpinche ademler muxbirlargha sözleshni ret qilghan bolsimu, beziler "Bu yerde héch néme qalmidi. Néme ish bolghanni bilisilerghu?" déyiship kétip qélishqan. 

Xewerde körsitishiche, xitay re'isi shi jinping qayta saylan'ghandin kéyin, jem'iyet muqimliqi üchün élin'ghan bu xildiki qattiq tedbirler wuken'ge oxshash jaylarda yene besh yil dawam qilishi mumkin iken.

Toluq bet