Даириләр хотән чира наһийисидики 1400 йиллиқ дәндан харабилиқини саяһәтчиләргә ачмақчи

Мухбиримиз меһрибан
2015-05-26
Share


Хитай таратқулиридики хәвәрләрдин ашкарилинишичә, уйғур аптоном район даирилири хотән чира наһийисидики 1400 йиллиқ дәндан харабилиқи қатарлиқ җәмийәткә ечилмиған бир қисим қәдимий харабилиқларни саяһәтчиләргә ечишқа тәйярланған.

Хитайниң җуңго хәвәрләр ториниң 26 - май күни елан қилған “шинҗаңдики миң йиллиқ будда мәдәнийәт шәһири тәклимакан қумлуқида көмүлүп ятиду, саяһәтчиләр қумлуқ ичигә киришкә амалсиз қалди” сәрләвһилик зиярәт хатирисидә, тав чүәнке исимлик мухбирниң уйғур елидики бирқанчә саяһәт өмәклири вә чира наһийилик мәдәнийәт идарисидин игилигән әһваллар баян қилинип, йәрлик уйғурлар “дәндан өйлүки”дәп атайдиған бу харабилиқниң чира наһийисиниң дамка йезисиға 90 клометир келидиған тәклимакан қумлуқ ичигә җайлашқанлиқи вә бу қәдимий шәһәргә баридиған раван қатнаш йоли ясалмиғанлиқи үчүн, саһайәтчиләр 1400 йил илгирики будда мәдәнийәт дәвригә тәвә бу харабилиқни зиярәт қилишқа амалсиз қалған саяһәтчиләрниң, хабилиқтики будда ибадәтханиси вә башқа ядикарлиқларниң чира наһийилик мәдәнийәт музийида сақланған фото рәсимлирини көрүш билән чәклиниватқанлиқи, шуңа йәрлик һөкүмәтниң харабилиққа баридиған йол ясашқа тиришиватқанлиқи” баян қилинған.

Зиярәт хатирисидә йәнә дәндан өйлүк харабилиқи һәққидә бир қисим мәлуматлар берилип, җәнубтин шималға узунлуқи 10 клометир, шәрқтин ғәрбкә кәңлики 3 клометир даирини игиләйдиған будда мәдәнийитиниң чоң көлүнгү мәзһипигә тәвә бу қәдимий шәһәр харабисидин, там рәсимлири, қәдимий бирахми йезиқи, хотән йезиқи, сансикирит йезиқи қатарлиқ йезиқларға тәвә қолязмилар, қәдимий пуллар, яғачлардин ясалған бутларниң чиққанлиқи тилға елинған. Зиярәт хатирисидә йәнә, харабилиқта елип берилған тәкшүрүшләрниң әң йеқинқиси 2012 - йили елип берилғанлиқи, 2 - 3 күн вақит вә йетәрлик озуқ - түлүк тәйярлиғандила андин қум ичидики бу харабилиққа кириш имканийити болидиғанлиқи үчүн, һазирға қәдәр чәтәлләрдин кәлгән көплигән саяһәтчиләр харабилиқни зиярәт қилиш пурситигә еришәлмигәнлики, пәқәт аз сандики архиологларниңла харабилиққа кирип тәкшүрүш елип барғанлиқи алаһидә әскәртилгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт