Da'iriler xoten chira nahiyisidiki 1400 yilliq dendan xarabiliqini sayahetchilerge achmaqchi

Muxbirimiz méhriban
2015.05.26
Share on WhatsApp
Share on WhatsApp


Xitay taratquliridiki xewerlerdin ashkarilinishiche, Uyghur aptonom rayon da'iriliri xoten chira nahiyisidiki 1400 yilliq dendan xarabiliqi qatarliq jem'iyetke échilmighan bir qisim qedimiy xarabiliqlarni sayahetchilerge échishqa teyyarlan'ghan.

Xitayning junggo xewerler torining 26 - may küni élan qilghan “Shinjangdiki ming yilliq budda medeniyet shehiri teklimakan qumluqida kömülüp yatidu, sayahetchiler qumluq ichige kirishke amalsiz qaldi” serlewhilik ziyaret xatiriside, taw chüenké isimlik muxbirning Uyghur élidiki birqanche sayahet ömekliri we chira nahiyilik medeniyet idarisidin igiligen ehwallar bayan qilinip, yerlik Uyghurlar “Dendan öylüki”dep ataydighan bu xarabiliqning chira nahiyisining damka yézisigha 90 klométir kélidighan teklimakan qumluq ichige jaylashqanliqi we bu qedimiy sheherge baridighan rawan qatnash yoli yasalmighanliqi üchün, sahayetchiler 1400 yil ilgiriki budda medeniyet dewrige tewe bu xarabiliqni ziyaret qilishqa amalsiz qalghan sayahetchilerning, xabiliqtiki budda ibadetxanisi we bashqa yadikarliqlarning chira nahiyilik medeniyet muziyida saqlan'ghan foto resimlirini körüsh bilen chekliniwatqanliqi, shunga yerlik hökümetning xarabiliqqa baridighan yol yasashqa tirishiwatqanliqi” bayan qilin'ghan.

Ziyaret xatiriside yene dendan öylük xarabiliqi heqqide bir qisim melumatlar bérilip, jenubtin shimalgha uzunluqi 10 klométir, sherqtin gherbke kengliki 3 klométir da'irini igileydighan budda medeniyitining chong kölün'gü mezhipige tewe bu qedimiy sheher xarabisidin, tam resimliri, qedimiy biraxmi yéziqi, xoten yéziqi, sansikirit yéziqi qatarliq yéziqlargha tewe qolyazmilar, qedimiy pullar, yaghachlardin yasalghan butlarning chiqqanliqi tilgha élin'ghan. Ziyaret xatiriside yene, xarabiliqta élip bérilghan tekshürüshlerning eng yéqinqisi 2012 - yili élip bérilghanliqi, 2 - 3 kün waqit we yéterlik ozuq - tülük teyyarlighandila andin qum ichidiki bu xarabiliqqa kirish imkaniyiti bolidighanliqi üchün, hazirgha qeder chet'ellerdin kelgen köpligen sayahetchiler xarabiliqni ziyaret qilish pursitige érishelmigenliki, peqet az sandiki arxi'ologlarningla xarabiliqqa kirip tekshürüsh élip barghanliqi alahide eskertilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet