Shinjang uniwérsitétining mu'awin mudiri dilmurat ghopurning tekshürülüwatqanliqi ashkarilandi

Muxbirimiz erkin
2018-10-04
Élxet
Pikir
Share
Print

Shinjang uniwérsitétining mu'awin mudiri dilmurat ghopurning "Intizamgha éghir derijide xilapliq qilish" bilen eyiblinip tekshürülüwatqanliqi ashkarilandi.

Xitay axbarat wasitilirining bu heqtiki xewerliride dilmurat ghopurning konkrét qaysi intizamgha xilapliq qilghanliqi tilgha élinmighan. Emma uning nöwette tekshürüshni qobul qiliwatqanliqi tekitlen'gen. Xitay axbarat wasitilirining ilgiri sürüshiche, u 2017‏-yili 4‏-ayda tekshürülüshke bashlighan bolup, bu xewerning néme üchün emdi élan qilin'ghanliqi we uning bu jeryanda qandaq bir terep qilin'ghanliqi melum emes.

Dilmurat ghopur yéqinqi bir yildin béri shinjang uniwérsitétida "Intizamgha xilapliq qilish" yaki "Bölgünchilik" qilish bilen eyiblinip tutqun qilin'ghan yaki tekshürülüshke bashlighan ikkinchi bir Uyghur mektep rehbiri bolup hésablinidu. Buningdin burun shinjang uniwérsitétining mudiri, proféssor tash polat téyip tutqun qilin'ghan.

Yéqinda xitay da'irilirining uni "Bölgünchilik" jinayiti bilen eyiblep, ikki yil kéchiktürüp ölüm jazasi bergenliki melum bolghan idi. Shu qatarda yene mezkur uniwérsitétning 50 neper Uyghur proféssori, dotsénti, léktor we tetqiqatchilirining "Bölgünchilik", "Ikki yüzlimichilik" bilen eyiblinip lagérlargha qamalghanliqi yaki qamaq jazalirigha höküm qilin'ghanliqi ashkarilan'ghan idi.

Xitay hökümitining bu herikiti Uyghur kishilik hoquq teshkilatlirining qattiq tenqidige duch kelmekte. Ular xelq'ara jem'iyetni Uyghur serxilliri we ilim-pen tetqiqatchilirining teqdirige diqqet qilishqa chaqirghan idi.

Melum bolushiche, bu yil 55 yashliq dilmurat ghopur1984‏-yili shinjang uniwérsitétining fizika fakultétini püttürgen bolup, mezkur fakultétta uzun yil oqutquchiliq qilghan. 2001-We 2002‏-yilliri yaponiyede bilim ashurghan. 2015‏-Yili shinjang uniwérsitétining mu'awin mudirliqigha östürülgen iken.

Toluq bet