Хитайниң йеңи диний бәлгилимилири уйғурларниң наразилиқини күчәйткән

Түркийидә чиқидиған инглизчә  “дуня хәвәрлири” торида көрситишичә, хитайниң уйғур мәсчитлиригә хитай дөләт байриқини тақаш қатарлиқ диний  бәлгилимилири уйғурлардики наразилиқ кәйпиятини һәссиләп күчәйткән.

Хәвәрдә уйғур елидики шу хил наразилиқ кәйпиятиға шаһит болған мәлум бир шәхсниң ейтқанлирини нәқил қилишичә, бу йил мартта йеңисар наһийиси чолпан йезисидики бир уйғур мәсчиткә есиқлиқ хитай байриқини елип көйдүрүвәткән.

Вәқә садир болғандин кейин, хитай бихәтәрлик қисимлири йезиға кириш еғизлирини қамал қилип, өткән-кәчкәнләрни тәкшүргән.

Хәвәргә қариғанда, даириләр байрақ көйдүргүчини тапалмиған, әмма мәзкур мәсчитниң имамини өз ичигә алған 50 кә йеқин адәмни  қолға алған.
Йәрлик даириләр телефон зияритимизни рәт қилғанлиқи үчүн  вәқәниң тәпсилатни өз алдимизға дәлилләшкә амалсиз қалдуқ.

Хитай һөкүмити йеқиндин буян, сақал қойған, яғлиқ артқанларни банка вә кутупханиларға киргүзмәслик һәққидә уқтурушларниму чиқарған иди.