Чәтәлләрдики аммиви тор бекәтлири уйғурларниң диний паалийәтлиригә қаритилған чәклимиләрни әйиблимәктә

Мухбиримиз меһрибан
2013.07.30

Даириләрниң уйғурларниң намаз оқуши вә роза тутушиға қаратқан чәклимиләрни күчәйтиватқанлиқи һәққидики учурлар йеқиндин буян фәйсбок, тивитир, үндидар қатарлиқ аммиви тор бекәтлиридә барғанчә көпәйгән болуп, уйғурларниң диний паалийәтлириниң түрлүк чәклимиләргә учраватқанлиқи һәққидики әйибләшләр хәлқарадики аммиви тор бекәтлириниң муназирә темилириға айланди.

Йеқинда фәйсбок торида үрүмчи шәһәрлик достлуқ дохтурханиси тәрипидин 8-июл күни чиқирилған “дохтурханида намаз оқушни чәкләш уқтуруши” ниң фото рәсими тарқитилғандин кейин, уқтуруштики “һәрқандақ кишиниң дохтурханида намаз оқушиға, дохтурханиға йүзини ориған аялларниң киришигә рухсәт қилинмайду” дегәндәк бәлгилимиләр тордашларниң әйиблишигә учриди.

Тор бекәтлиридә йәнә, даириләрниң роза тутушни чәкләватқанлиқи һәққидики учурларму көпәйгән болуп, уйғурбиз торида 29-июл күни елан қилинған қәшқәр йеңишәһәр наһийиси деһқанчилиқ техника мәркизиниң хизмәтчиси абдухелил аблимитниң роза тутқанлиқи үчүнла хизмәттин тохтитилғанлиқи һәққидики хәвәр аммиви тор бекәтлиридә тарқалғандин кейин әйибләшкә учриди. Твитир торида бирәйлән инкас қайтуруп “пүтүн дуня мусулманлири роза тутуватқан бу улуғ айда, уйғурларниң роза тутуштәк әң әқәллий кишилик һоқуқиму тартивелинди” дегән сөзләрни йезип өз наразилиқини ипадилигән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.