Ürümchide “Esebiylikke qarshi” drama heptiliki bashlandi

Muxbirimiz irade
2015.10.20
Share on WhatsApp
Share on WhatsApp

“Tengritagh tori”ning xewiridin melum bolushiche, Uyghur éli da'iriliri atalmish dini radikalliqqa qarshi turush üchün aptonom rayon boyiche “Esebiylikni tügitish drama heptiliki”pa'aliyitini bashlighan.

Igilinishiche mezkur drama heptiliki 19-öktebirdin 28-öktebirgiche ötküzülidighan bolup, tengritagh tori bu heqtiki xewiride “Bu qétim ötküzülidighan drama heptiliki arqiliq her millet ammisi arisida zamaniwi medeniyet idiyesini küchep ewj aldurup, ‛üch xil küch‚ lerning ighwa we sepsetiliri chongqur pash qilinidu” déyilgen.

Ürümchidiki sen'et yurti tiyatirxanisida ötküzülidighan bu qétimqi drama heptilikide ghulja, qeshqer, xoten we aqsu wilayetlik naxsha-usul ömekliri teripidin teyyarlan'ghan “Bahardiki judun”, “Paklan'ghan qelb”, “Toyni toydek oynayli”, “Eqlini tépish” témisidiki dramilar oynilidiken.

Xitay hökümiti Uyghur élide atalmish dini radikalliqqa qarshi turush, muqimliq yaritish nami astida esebiylikke qarshi resim sizish, kolléktip kichik alma usuli oynash, xitay herbiylerning Uyghurche usul öginishige oxshash küchlük teshwiqat xaraktéridiki heriketlerni mejburiy yosunda élip barmaqta. Biraq chet'ellerdiki közetküchiler xitay hökümitining bu xil heriketlirining mesilini hel qilish emes, eksiche naraziliqni téximu kücheytiwétidighanliqini bildürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.