Diniy kiyimlerning Uyghur qarishiliqining simwoli bolup qalghanliqi melum
2015.03.28
Xelq'ara metbu'atlardiki analizlarda Uyghur élide xitay hökümiti küchep cheklewatqan diniy yosundiki kiyim - kéchiklerning Uyghurlarning xitay hökümitige qarishi turushtiki simwoli bolup qalghanliqi körsitilmekte.
Xongkongdin chiqidighan jenubiy junggo seher pochtisi agéntliqida bu heqte bérilgen bir parche maqalide bildürüshiche, xitay hökümitining Uyghurlarning diniy yosundiki kiyimlirini cheklesh herikiti közligen ünüm bérishning ornigha eks tesir körsitishke bashlighan.
Maqalide neqil qilishiche, amérika indi'ana uniwérsitéti tetqiqatchisi timoty grosé we awstraliye la trobé uniwérsitéti tetqiqatchisi jeymis leyboldlarning éytqanliridin neqil qilishiche, "diniy yosunda kiyinish qarshiliq körsitish simwoli we özining étnik milliy kimlikini jakarlaydighan wasitige" aylan'ghan.
Maqalide körsitishiche, diniy yosunda kiyinishni keng - kölemde qattiq cheklesh xitay kommunist partiyisi bilen Uyghurlar arisidiki atalmish térrorluqqa qarshi turush herikiti bilen küchiyiwatqan jiddiychilik we yiriklishishini téximu ulghaytiwétidiken.
Xitay hökümiti bu yil féwraldin bashlap mexsus qanun maqullap Uyghur élide diniy yosunda kiyinishni chekligen idi.