Xitay da'iriliri yene bir türküm diniy zatlarni "Siyasiy terbiyelesh kursi" gha yighiwalghan

Muxbirimiz erkin
2018-06-22
Élxet
Pikir
Share
Print

Xitay da'iriliri peyshenbe küni ürümchide "Terbiyelesh kursi" échip, yene bir türküm diniy zatlargha siyasiy terbiyelesh élip bérishqa bashlighan.

Da'iriler bu qétimqi kursta qanchilik diniy zatning yighiwélinip terbiyilinidighanliqini ashkarilimighan bolsimu, emma buning bu yil ichide échilghan 2‏-nöwetlik kurs ikenlikini bildürgen.

"Shinjang géziti" ning xewiride ashkarilishiche, bu kursning meqsiti diniy zatlarni shi jinpingning "Yéngi dewrdiki junggoche sotsiyalistik idiyesi", partiye 19‏-qurultiyining rohiy, xitay kompartiyesi merkiziy komitétining shinjangni idare qilish toghrisidiki bash nishani boyiche terbiyelep, ularning "Herikiti bilen idiyesini birlikke keltürüsh, ashqunluqqa qarshi turush, shinjangning ijtima'iy muqimliqi we ebediy eminlikige töhpe qoshushi" ni ishqa ashurushken.

Diniy zatlarning mezkur kursi xitay merkizi komitétining bu yil 4‏-ayda tarqatqan islam dinini cheklesh heqqidiki bir mexpiy höjjiti ashkarilan'ghan küni bashlan'ghan. Xitay kompartiyesi merkizi komitétining mexpiy höjjitide meschitlerning qurulushini sherq qurulush sheklige özgertish, ereb tilini cheklesh, chet'elde din oquwatqan musulmanlarni kontrol qilish, diniy kiyim-kéchek, diniy buyum, diniy murasim, diniy tebligh, islamiy idiyelerde gheyriy xitaylishishqa qarshi turush, islamiy sermayini cheklesh qatarliqlar tekitlen'gen idi.

"Shinjang géziti" ning tekitlishiche, kursning bashlinish murasimida da'iriler diniy zatlarni terbiyelesh "Dinni sotsiyalizm bilen maslishishqa yéteklesh, herqaysi milletlerning öz-ara alaqisi we qoshulup kétishini kücheytishning muqerrer telipi" dep körsetken. Lékin Uyghur kishilik hoquq teshkilatlirining ilgiri sürüshiche, xitayning diniy zatlargha yuqiriqi siyasiy terbiyelerni élip bérishtiki meqsiti Uyghurlarning diniy étiqadini ajizlashturup, ularni tézrek assimilyatsiye qilish iken."

Toluq bet