مېڭ جيەنجۇ «دىنىي ئەسەبىيلىك ئىدىيىسىنى ئۆزگەرتىش تەربىيىسىنى كۈچەيتىش» نى تەكىتلىدى

مۇخبىرىمىز ئەركىن
2015.12.15


خىتاي خەۋەرلىرىدىن مەلۇم بولۇشىچە، خىتاي سىياسىي قانۇن كومىتېتىنىڭ سېكرېتارى مىڭ جيەنجۇ ئۆتكەن ھەپتىدىكى ئۇيغۇر ئېلى زىيارىتىدە مۇقىملىقنى ۋە دىنىي ئەسەبىيلىك ئىدىيىسىنىڭ ئالدىنى ئېلىشنى تەكىتلىگەن.

خەۋەردە، مىڭ جيەنجۇنىڭ ئۈرۈمچى 1 - تۈرمىسىنى زىيارەت قىلغانلىقى توغرىلىق مەلۇمات بېرىلمىگەن بولسىمۇ، ئەمما ئۇنىڭ بۇ يەردىكى سىياسىي مەھبۇسلارغا قارىتا «دىنىي ئەسەبىيلىك ئىدىيىسىنى ئۆزگەرتىش تەربىيىسىنى كۈچەيتىش» نى تەكىتلىگەنلىكى ئالاھىدە تىلغا ئېلىنغان.

مەلۇم بولۇشىچە، نۆۋەتتە ئۈرۈمچى 1 - تۈرمىسىدە قامالغانلارنىڭ ئۈچتىن بىر قىسمى «سىياسىي مەھبۇسلار» بولۇپ، خەۋەردە «ئۇلارنىڭ زور قىسمىنىڭ دىنىي ئەسەبىيلىك ئىدىيىسىنىڭ تەسىرىدە زوراۋانلىق ھەرىكەتلىرىگە قاتناشقان» لىقى كۆرسىتىلگەن.

شىنخۇا ئاگېنتلىقىنىڭ خەۋىرىدە دېيىلىشىچە، 11 - ۋە 12 - دېكابىر كۈنلىرى ئۈرۈمچىدە زىيارەتتە بولغان مېڭ جيەنجۇ، ئۈرۈمچى سايباغ رايونىدا سۆز قىلىپ: «جەمئىيەت مۇقىملىقىنى ساقلاشتا ئاساسىي قاتلام خىزمىتىنى چىڭ تۇتۇش، توغرا دىنىي قاراشنى تەشەببۇس قىلىپ، رادىكال دىنىي ئەسەبىيلىك ئىدىيىسىنىڭ يامراپ كېتىشىنىڭ ئالدىنى ئېلىش كېرەك» دېگەن.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.