Méng jyenju "Diniy esebiylik idiyisini özgertish terbiyisini kücheytish" ni tekitlidi

Muxbirimiz erkin
2015-12-15
Share


Xitay xewerliridin melum bolushiche, xitay siyasiy qanun komitétining sékrétari ming jyenju ötken heptidiki Uyghur éli ziyaritide muqimliqni we diniy esebiylik idiyisining aldini élishni tekitligen.

Xewerde, ming jyenjuning ürümchi 1 - türmisini ziyaret qilghanliqi toghriliq melumat bérilmigen bolsimu, emma uning bu yerdiki siyasiy mehbuslargha qarita "Diniy esebiylik idiyisini özgertish terbiyisini kücheytish" ni tekitligenliki alahide tilgha élin'ghan.

Melum bolushiche, nöwette ürümchi 1 - türmiside qamalghanlarning üchtin bir qismi "Siyasiy mehbuslar" bolup, xewerde "Ularning zor qismining diniy esebiylik idiyisining tesiride zorawanliq heriketlirige qatnashqan" liqi körsitilgen.

Shinxu'a agéntliqining xewiride déyilishiche, 11 - we 12 - dékabir künliri ürümchide ziyarette bolghan méng jyenju, ürümchi saybagh rayonida söz qilip: "Jem'iyet muqimliqini saqlashta asasiy qatlam xizmitini ching tutush, toghra diniy qarashni teshebbus qilip, radikal diniy esebiylik idiyisining yamrap kétishining aldini élish kérek" dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.