Җу хәйлүн: “динни хитайлаштуруш йөнилишидә изчил чиң туримиз”

Мухбиримиз әркин
2018.11.02
Share on WhatsApp
Share on WhatsApp

Уйғур аптоном районлуқ партком сиясий-қанун комитетиниң секретари җу хәйлүн йеқинда чақирилған бир йиғинда компартийәниң динға болған контроллуқини күчәйтиш, динни хитайлаштуруш йөнилишидә изчил чиң туруш керәкликини тәкитлигән. Униң сөзи б д т кишилик һоқуқ кеңиши 6‏-ноябир күни хитай кишилик һоқуқ хатирисини қәрәллик көрүп чиқидиған бир мәзгилгә тоғра кәлди.

Хитай һөкүмити лагерларни “кәспий тәрбийәләш мәркәзлири” дәп ақлисиму, лекин у хәлқараниң йиғивелиш лагерлирини тақап, униңдики бир милйондәк уйғурни қоюп бериш, уларни өзиниң диний етиқади, мәдәнийитидин ваз кечишкә қисташтәк җисманий, роһий җәһәттин хорлишини дәрһал тохтитип, уларниң бу хорлуқ кәлтүрүп чиқарған җисманий, роһий зиянлирини төләш тоғрисидики күчлүк бесимиға учримақта.

Лекин, җу хәйлүн 31-өктәбир үрүмчидә чақирилған бирликсәп, миллий-диний ишлар вә “шинҗаң ислам институти” кадирлириға ачқан диний хизмәт йиғинида, динни хитайлаштурушта давамлиқ чиң турушни тәкитлигән.

“шинҗаң гезити” ниң хәвиридин ашкарилинишичә, җу хәйлүн йиғинда: “баштин ахири шинҗаңниң иҗтимаий муқимлиқи вә узун муддәтлик әминликидин ибарәт баш нишанға мәркәзлишип, партийәниң диний хизмәткә болған рәһбәрликини күчәйтиш, дөлитимизниң динни хитайлаштуруш йөнилишидә чиш туруш, шинҗаң хизмитиниң баш нишанини әмәлгә ашурушқа һәссә қошуш керәк” дегән. У йәнә, ислам дининиң милләтләр иттипақлиқи вә иҗтимаий инақлиққа алақидар тәлимлиридин пайдилинишни, диний затларниң хитайчә өгинишини чиң тутушни тәләп қилған.

Җу хәйлүн америка дөләт мәҗлисиниң 17 нәпәр әзасиниң бу йил язда президент трампқа язған мәктупида, уйғур районидики еғир кишилик һоқуқ дәпсәндичиликидә мәсулийити бар, дәп қаралған әмәлдарларниң бири. Дөләт мәҗлиси әзалириниң мәктупида чен чүәнго, җу хәйлүнни өз ичигә алған 8 нәпәр хитай әмәлдарини җазалаш тәләп қилинған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.